Borghild Talgø som er leiar i Todalen sokneråd var imponert over oppmøtet på kyrkjegardsdugnaden måndag kveld. Mesta tretti deltakarar må være bra, når det knappast var varmegrader og snøfillene var heller ikkje langt unna. Men dugnadsgjengen hadde kledd seg godt og tålte at det var litt vind innimellom.
Rakin og rydding . frå venstre Øystein Moe, Kristian Gjeldnes, Nils Gjeldnes, Kjell Øyen, Trond Svinvik, Knut Halset og Sven Olav Svinvik. Foto Jon Olav Ørsal
Arbeidet var effektivt, og vi fikk gjort det arbeidet vi hadde planlagt. Det gjek mykje på raking av lauv og rusk, og oppretting av gravminner som var påvirka av tælen og mykje anna forfallende arbeid. Innomhus var det mest vasking og støvsuging som foregikk, og etter kvart kjente vi grønsåpelukta og at det lukta reint. Endre Talgø hadde laga seg ein spesialkost som han nådde heilt på toppen av vundua med og dermed vart det reint der og.
Her blir det gullande reint – Borghild Talgø og Einy Elgsæter tørkar støv av benkane. Foto Jon OLav Ørsal
Og sjølvsagt var det samling bakerst i kyrkja for traktering med velfortjent dugnadskaffe med mykje gode kaker til. Laurdag er det konfirmasjon, og da passar det godt at både kyrkjegarden og kyrkja har fått ein runde med oppfiffing.
Dugnadskaffe – frå venstre Kjell Øyen, Ingri Bruset, Liv Larsen, Jorunn Husby, Anita Talgø, Sissel Redalen, Sven Olav Svinvik, Trond Svinvik og Nils Gjeldnes. Foto Jon Olav Ørsal
Bildegalleri frå kyrkjegardsdugnaden – alle foto: Jon Olav Ørsal
