Så langt i mars stemmer ordtaket «Godt folk har godt ver!», sanitetsforeninga har hatt to kløverturar i finver.
Andre mars var det tur etter allmannvegen frå Matkroken til Heggeskaret. Det er ikkje ideelt med asfaltturar, men betre enn blankis i tursti og skogsvegar. Turen vart avslutta med langt og triveleg kaffelag i Kaffekroken.
Turfølget på Heggeskaret på grensa mellom Hala og Husby. Foto: Marit Sanden Søyset.
Niande mars vart det utflukt til Haltbakkan – ein kjøle fin tur etter isfri veg. Godt å kome ned til fjorden og kjenne litt eim av vår. Det vart lang kaffepause ved rasteplassen, men plutseleg dukka det opp ei lang rekkje med damer som kom i fint driv ned lia. Dei kom frå «Søyaland» og hadde starta frå Søyset. Triveleg treff!
Eit stort turfølge frå Søyaland dukka opp! Foto: Marit Sanden Søyset.
Pause ved Haltbakkhavet. Rundt bordet: Dordi Jorunn, Dordi, Arndis, Helen, Jorunn, Kari. Foto: Marit Sanden Søyset.
Ytre Sulå speglar seg i fjorden. Foto: Marit Sanden Søyset.
Måndag om ei veke er det ny tur – da er plana tur i Kvennsetlia.