Juni starta med godt og lagleg turver. Første juni var det kløvertur til Nauståfossen og måndagen etter, 8. juni, vart det tur i Toåa tursti.
Måndag første juni starta turfølget frå Plassen ved hyttefeltet på Kårvatn og gjekk etter vegen tur/retur Nauståfossen. Fint ver og matpause på hyttetrammen til Sagstuå.
Ved Nauståfossen, eit ynda fotomotiv. Foto: Marit Sanden Søyset.
Ved inngangen til hyttefeltet. Foto: Marit Sanden Søyset.
Måndag 8. juni vart det tur i Toåa tursti. Turfølget gjekk først innom gapahuken i Gunnøya, vidare innover til Båthølen og langs elvebreidda opp til allmannvegen. Etter turen vart det kaffepause i Kaffekroken.
I Gunnøya. Foto: Dordi Jorunn Halle.
Urskog i Toåa tursti. Foto: Marit Sanden Søyset.
Ved gapahuken i Båthølen. Turfølget: Arndis, Helen, Kari, Jorunn, Solveig, Jorunn, Marit, Helga. Foto: Dordi Jorunn Halle.
Ny kløvertur måndag 15. juni.