Det meste av kantslåtten langs fylkesvegane er forlengst unnagjort, men litt står igjen. I dag trefte vi Kjartan Frisvoll som i full gang med slåtten rundt rekkverka. Der er det vanskelag å kome til, men Frisvoll Veidrift har spesialutstyr til slik bruk, som gjer jobben i ein fei.
Frisvoll Veidrift slår mellom og rundt rekkverkpålane. Foto Jon Olav Ørsal
Frisvoll Veidrift har tilhald i Eresfjorden, men er no i Todalen og i Surnadal for å pusse rundt rekkverka på fylkesvegane på oppdrag for Veidekke som er entreprenøren som har ansvaret for vegvedlikehaldet. Det er ein jobb som Kjartan rekna med å bruke ei veke på, før han kan seie seg ferdig.
Kjartan Frisvoll reknar med å bruke ei veke på fylkesvegane i Surnadaldistriktet. Foto Jon Olav Ørsal