Søndag 15. februar frå klokka 11:00 inviterer Todalen Idrettslag og Trollheimen Fjellsportklubb til siste dag i World Cup for ungdom i Randonee på Vang Skiarena. Da er det individuell i Strengentraseen som står på programmet, der start og målgang er på Vang.
Arrangørane oppfordrar folk til å ta med seg flagg og bjeller, og gjerne plassere seg oppover langs løypa opp til Strengen, for å lage ei skikkeleg folkefest denne siste dagen av World Cup for ungdom i Surnadal kommune.
Todalen Idrettslag vil selge kaffe, bakels med graut, skuffkake og pølser med brød.
Det blir også lagt opp til vinteraktivitetar for barna ved klubbhuset på Vang Skiarena.
Individuell skulle eigentleg ha vore arrangert på Kårvatn, men snømangel gjer at arrangementet er flytta til Vang.
Programmet for World Cup randonee for ungdom
Arrangørane ønsker velkommen til Vang og World Cup for ungdom i individuell!