Larudag 31. januar klokka 12:00 inviterer Idrettslaget Søya til sonerenn på Vang skisenter. Det er gratis påmelding og premie til alle. Påmeldinga tek til klokka 11:00, medan starten er klokka 12:00.
Det er skigruppene i Surnadal IL., IL Søya, Bæverfjord IL og ØSIL som har gått saman om å arrangere kvart sitt sonerenn i løpet av sesongen. Sonerennet på Vang laurdag blir det andre rennet av dei fire sonerenna.
Dei to siste sonerenna blir arrangert av Bæverfjord IL søndag 15. februar ved Bæverhall og av ØSIL på Holtamoan i løpet av veke 9.
IL Søya ønsker alle velkommen til sonerenn på Vang skisenter!