I samråd med Surnadal kommune, inviterer Surnadal kirkelige fellesråd til halvdags fagdag om seksuelle overgrep torsdag 15. januar klokka 13:00 – 17:00 i Kammerset på Surnadal kulturhus. Bakgrunnen for fagdagen er overgrep i lys av Hyldbakk-saka som vart offentleg kjent i fjor haust, og som har fått mykje merksemd både lokalt og nasjonalt.
Etter fagdagen er det klokka 18:00 «messe for verdighet» i Øye kyrkje med same tema.
Sanitetskvinnene vil gjennom «Rød Knapp-allinansen – stopp vold mot kvinner» delta både under fakgdagen og under gudstenesta.
I invitasjonen, som er underskriven av sokneprest Pål Arne Winsnes, prost Vidar W. Rygh og kirkeverge Tor Rune Halset, heiter det at dei med denne fagdagen ønsker å skape rom for refleksjon, kunnskap og samtale.
Under fagdagen vil ein mellom anne vil ein ta opp tema som:
-
seksuelle overgrep og konsekvensar for dem som blir utsatt
-
korleis lokalsamfunn blir påverka når overgrep blir kjent, og kva for utfordringar dette kan skape
-
lokalsamfunna sin rolle i slike saker
Foredragshaldarar på fagdagen er rådgjevar Inger Jepsen og psykolog Oddfrid Skorpe frå Ressurssenter om vold, traumatisk stress og selvmordsforebygging (RVTS Midt). I tillegg deltek Biskop Ingeborg Midttømme med følge og Anne Marie Østhus frå Vake – kirkelig ressurssenter mot seksuelle overgrep.
Surnadal kommunestre er også invitert til fagagen.
Etter gudstenesta er det kyrkjekaffe.