Bur ein i Surnadal kommune, eller ein annan distriktskommune, og har rett til å få sletta studiegjeld, må ein hugse å søke innan den fristen som gjeld for den enkelte ordninga. For fleire av ordnongane er fristen no den 31. mars. Til no har over 46 000 søkt på regjeringa si ordning om å få sletta deler av studiegjelda si.
Med ordningane kan yrkesaktive, busett i distriktskommunar som er med i ordninga, få inntil 25.000 kroner sletta i året på studiegjelda si. Dei som bur og arbeider i innsatssona i Finnmark og Nord-Troms kan få inntil 60.000 kroner slettet årleg.For å få sletta studiegjeld, må ein bu i ein godkjent kommune i ein oppteningsperiode på tolv samanhengande månader.
Surnadal kommune er med i sone 5 i ordninga for å få sletta studiegjeld i distrikta. Meir informasjon om ordninga finn ein på Informasjon om ordninga (regjeringen.no).
For å søke om å få sletta studiegjeld får, går ein inn på Lånekassen si nettside.
