Tysdag inviterte Fjellgruppa i Pensjonistforbundet Surnadal til fjelltur til Håkkåsteinen. – 33 vandrarar møttest på Dragset for å ta fatt på dei 4 kilometrane og vel 400 høgdemetrane opp til Håkkåsteinen, kan Lars Gudmund Røen i Fjellgruppa fortelje.
Frå Dragset startar vi på merka sti. Foto: Anne V. Einum
– Vèret vart betre og betre opp Dragsetdalen, legg han til.
I gapet på Håkkåsteinen. Foto: Anne V. Einum
– Aller best vart det når vi nådde målet, – steinen som ein eller annan jutul hadde plassert oppe i skaret mellom Flatfjellet og Middagsheia på vasskille mellom Bøfjorden og Halsa, avsluttar han.
Turen nedatt til Dragsett går lett. Foto: Anne V. Einum
Belønninga for dei 33 etter motbakkane, vart ein velfortent rast og utsikt til Skålvikfjorden , øyane og havet utafor.
