Første gudstenesta i det nye året

Søndag var det samling til den første gudstenesta i Todalen kyrkje i det nye året.  Det var sokneprest Pål-Arne Winsnes og medliturg/tekstlesar Borghild Talgø som heldt gudstenesta og som hadde god hjelp av årets 4 konfirmantar til praktiske oppgåver i samand med gudstenesta.  Dagens gudstenesta vart strømma via YouTube, og du kan sjå opptak via linken vi legg ut nedafor når den er klar.

Dagens preken hadde som tema at Jesus gjorde vatn til vin under bryllaupet i Kanaan.  Med rundt tretti tilhøyrarar i kyrkja så vart det ein flott salmesong som vart akkompagnert av organist Amund Velde på kyrkjeorgelet. 

Etter gudstenesta var det samling til kyrkjekaffe, det kyrkjevertane Ola Bruset og Einar Husby sørga for traktering.  Dagens takkoffer går til kyrkjelydsarbeidet i soknet, og dersom du vil være med og gje ein skjerv i ettertid så kan du bruka Vippsnr 506908 som går til Todalen sokneråd.  

Neste gudsteneste i Todalen kyrkje er søndag 15. mars kl 11 – da blir det årsmøte i soknet umiddelbart etter gudstenesta.  Elles vart vi minna på om gospelhelg i Stangvik i neste helg – avsluttar med gudsteneste i Stangvik kyrkje på søndag – med mykje song og musikk.  

Klikk på linken så kan du laste ned og sjå opptak frå gudstenesta i Todalen kyrkje i dag.