Tysdag inviterte Fjellgruppa i Pensjonistforbundet Surnadal på fjellttur til Slettfjellet, ein tur vêrgudane stakk kjeppar i hjula for. – Nok ein gong denne vårsesong valgte Fjellgruppa å endre turmål grunna været. Skodda låg på toppane og det var varsla mykje regn. Slettfjellet vart derfor utsett til seinare, fortel Lars Gudmund Røen i Fjellgruppa.
Skeisnebba parkeringsplass på enden av Frusterte fruers veg. Foto: Anne V. Einum
– I staden vart vi einige om å ta den tidligare utsette turen til Ranessetra og Øyasetra. Øyasetra var setra for gardane på Øyan og ligg litt aust for den meir kjente Ranessetra, fortel han.
Den gamle steinsetra Ranessetra ligg idyllisk til framom Bjørklia. Foto: Anne V. Einum
– På nedturen var vi innom den nyoppførte gapahuken på Salen med god utsikt til Skei og nerbygda. Det varsla regnet kom ikkje inn før dei 19 vandrarane var vel nedkomne, avsluttar Lars Gudmund.
Frodig kring gamle Øyasetra. Foto: Anne V. Einum
Fleire bilder frå Fjellgruppa sin tur til Ranessetra og Øyasetra ken ein sjå nedanfor.
