Tysdag inviterte Fjellgruppa i Pensjonistforbundet Surnadal til Storhaugen i Todalen. -Turen starta frå parkeringsplassen ved Todalshytta, eller Phillips House som den engelske lakselorden Ethelbert Lort Phillips fekk bygd i 1899, fulgte vi skogsveg og merka stier, fortel Lars Gudmund Røen i Fjellgruppa.
Turstart frå Todalshytta til Storhaugen. Foto: Anne V. Einum
– Siste stykket opp gikk gjennom gran- og furuskog som var prega av stormen Amys herjingar sist haust. Nokon hadde lagt ned ein stor innsats med å rydde rotvelter som låg i kryss og ters over stien. På toppen vart det inntaking av niste og nyting av utsikta til breibygda, fjord, fjell og mektig natur før det bar ned etter ein traktorveg ved Bjøråa ned til bygdevegen og fulgte nyslått sti ved elva attende til Bruset og Todalshytta, legg han til.
Flott utsyn over Todalen og Todalsfjorden. Foto: Anne V. Einum
– Dette var siste turen før ferien. Takk til alle deltakarar for følget denne vårsesongen og vel møtt til nye turar når haustsesongen startar 4.august, avsluttar Lars Gudmund.
Nede i dalen att. Foto: Anne V. Einum
Nedanfor kan ein sjå fleire bilder frå Fjellgruppa sin tur til Storhaugen.
