Tysdag inviterte Fjellgruppa i Pensjonistforbundet Surnadal til fjelltur til Flessasetra. Heile førti spreke fjellgåarar møtte opp for å vere med, noko rapporten frå turen seier er ny rekord. – Svein Aarnes orienterte om gardande Båtvika, Trodalen, Haugen, Surndalsnes, og om folket og akviteten som var i området når det var fast bosetting, fortel Lars Gudmund Røen i Fjellgruppa.
Smellvakkert utover mot Flessen. Foto: Anne V. Einum
– Surndalsnesset er kanskje i dag kjent for dei som ferdast sjøvegen som overgangen frå Breifjorden til Trongfjorden som kan være utfordrande når vind og vær er på det lunefulle laget, fortsetter han.
Kvil ved Surndalsneset. Voto: Anne V. Einum
Så bar det opp etter traktorvegen opp til gardane Surndalsnes og Haugen.
Matpause med flott utsikt frå Flessensetra. Foto: Anne V. Einum
– Der står fortsatt huset dei budde i. Kanskje det eldste huset i området som har blitt teke vare på. Gardane låg i ein lun plass med godt jordsmonn som gjorde det mulig å dyrke korn. Dei mol kornet i eiga kvern. Under siste krig vart det og dyrka korn her, avsluttar Lars Gudmund.
Godt med einalang kvil etter vandring opp lia i sommarvarmen. Foto: Anne V. Einum
Etter ein pust i bakken, gjekk resten av turen opp til Flessasetra etter sti.
På heimveg gjennom fin blandingsskog. Foto: Anne V. Einum
Oppe på Flessensetra tok dei førti deltakarane ein velfortent pause for å nyte nista si, utsikt og sol, i den til no, finaste vårdagen.
