Tysdag inviterte Fjellgruppa i Pensjonistforbundet Surnadal til fjelltur til Mogstadsetra, men på grunn av regnet og vinden vart dei elleve som møtte, einige om å utsette turen til Mogstadsetra til ein dag med betre vêr.
Uansett vêr fint er det å vandre langs elvepromenaden. Foto: Anne V. Einum
– Istaden gjekk vi frå Øye-bru langs elva forbi Bergemshølen, vegen om Leitet og vegen vidare opp til Kleiva, fortel Lars Gudmund Røen i Fjellgruppa.
Gjennom duftande heggskog. Foto: Anne V. Einum
– Der vart det pause, inntak av niste under taket på scena og muligheter for registrering av Stikk UT-tur, legg han til.
Om det regnar eller blæs kva gjer vel det? Foto: Anne V. Einum
– Vi håpar på betre vær på turen til Håkkåsteinen neste tirsdag, den 2. juni, avsluttar han.
Opp mot Kleiva. Foto: Anne V. Einum
Eit lite solgløtt over Røssmoen. Foto: Anne V. Einum
Orkesterplass til bøgda frå scena på Kleiva. Foto: Anne V. Einum