Tysdag inviterte Fjellgruppa i Pensjonistforbundet Surnadal til fjelltur. Målet for turen den første haustdagen var Tuva i Austre Fossdalen i Rindal kommune.
Start på stien opp frå Fossdalen med god skilting. Foto: Anne V. Einum
– Frå Nybø på Rindalsskogen køyrde vi Lomundalsvegen til Lomunda og vidare forbi Møkkelgårdgardane til parkeringsplassen i Austre Fossdalen, kan Lars Gudmund Røen i Fjellgruppa fortelje.
Dyktig guide Odd Inge Løfald i front. Foto: Anne V. Einum
– Frå bilane følgde vi ein grusa veg før vi tok av til den slake stien opp til Tuva. Etter kvart som vi kom ut av skogen kom det åpne dal- og fjellterrenget til syne, held han fram.
Lett og fin tur til topps. Foto: Anne V. Einum
– Eit terreng som var nytt for dei aller fleste. Vel oppe på toppen vart det i det fine haustveret utsikt til Tifjellet i sør, Trollheimsfjell i sørvest, Ruten i nordvest, Hemnekjølen og Gangåsvatnet i nord og aust, legg han til.
Lang og god matpause ved toppvarden. Foto: Anne V. Einum
Takk til kjentmann Odd Inge som delte sin lokalkunnskap om området med oss, avsluttar Lars Gudmund.
Ned att frå Tuva i Indian summer. Foto: Anne V. Einum
Fleire bilder frå Fjellgruppa sin tur kan ein sjå nedanfor.
