Ny sesong for laksefiske i Toåa er like rundt hjørnet – onsdag arrangerer Todalen elveeigarlag dugnad for klargjering til fisket. Både elveeigarar, og andre som har lyst, stiller opp på Bruset onsdag 27. mai kl 18:00. Dugnadsjobben blir å rydde elvekantar, samt skilting og tilrettelegging for fiskarane, og elveeigarlaget oppfordrar til å ta med ryddesag, motorsag eller anna høveleg reiskap.
Andreas Brøndbo som er leiar i elvaeigarlaget er ansvarleg for dugnaden, og vil leie arbeidet med å klargjere til sesongstarten som er 1. juni i år som i fjor. Sjølvsagt blir det dugnadskaffe til dugnadsgjengen, seier Andreas som håper at mange blir med og gjer ein innsats for laksefisket i Toåa.