Surnadal demensforening og helselag og Rindal demensforening startar i haust Pårørandeskule i lag med kommunane i Surnadal og Rindal. Pårørandeskulen er meint som eit tilbod til deg som har eit familiemedlem eller ein ven med demenssjukdom – eller som er spesielt interessert.
Mange undersøkingar har vist at pårørande til personar med demens har eit stort behov for kunnskap, hjelp og støtte i si rolle som pårørande. Pårørandeskulen går over 4 kveldar med forskjellige tema – dette kan du lese meir om på plakaten nedafor. Påmeldingsfristen er 10. oktober og startar første kurskveld onsdag 14. oktober. No er det på tide å melde seg på, seier Liv Botten i Surnadal demensforening og helselag som kan rapportere om bra påmelding så langt – men det er plass til fleire, seier ho.
