Basarsøg i Nordvik Forsamlingshus – tusen takk for all støtte!

Nordvik Grendalag inviterte til tradisjonell førjulsbasar første søndag i advent med godt oppmøte.

Basarbordet bugna av fine og nyttige gevinstar, i alt ca. 50. Komiteen rettar ein stor takk til bedrifter, butikkar og privatpersonar som har støtta med flotte gevinstar. Dei er også utruleg takknemlege for den positive velviljen og god responsen dei har fått.

Basaren starta i år kl. 16:00 – to timar tidlegare enn det som har vore vanleg før om åra. Dette for å gjere basartida meir barnevennleg, og fjøstida er no fleksibel med nye driftsformer.

I tillegg til basarbord var det fleire rundar med åresalg og pilkast som den yngre generasjonen tok ansvar for! Riktig kjekt å sjå kor ivrige og dyktige dei er.

Det vart også delt premiar for trimbøkene og pilkast.

Haltbakkan: Anna Ingeborg. Dammen: Anja Nordvik.

Pilkast. Vaksen: Kenneth Sæterbø. Barn: Jon Ola.

I alt kom det inn ca. 20 000 kroner som kjem godt med for Grendalaget som har både hus og mange arrangement.