Årsmøte i Pensjonistforbundet Surnadal
Onsdag hadde styret Pensjonistforbundet Surnadal kalla inn sine medlemmer til årsmøte på Surnadal frivilligsentral i Fiskegården på Skei. Ann-Sissel U. Mogstad har sendt oss eit lite referat frå årsmøtet.
Wenche Ø. Kvendset presenterer rekneskap og budsjett. Foto: Anne-Sissel U. Mogstad
– Tradisjonen tru, vart medlemmar som har gått bort i løpet av året, heidra med eitt minutts stillheit, fortel Mogstad.
Det er ikkje berre dei unge som er på skjerm. Kjellaug Brørs og Eivind Hasle er så apsolutt fortrulege med å betale for seg v.hj.a. Vipps. Foto: Anne-Sissel U. Mogstad
Etterpå var det vanlege årsmøtesaker, med mellom anna årsmeldingar og rekneskap som stod på agendaen.
«Adm. direktør» for innkjøp av gevinstar og loddsal i god passiar med Ella Bolme. Foto: Anne-Sissel U. Mogstad
– Det heile gjekk både fort og greitt, så det vart god tid til både kaffi med kjeks og oppsmurt, og den viktige praten kring borda, avsluttar Mogstad.
Sal av lodd og trekkjing kan vere god underhaldning. Foto: Anne-Sissel U. Mogstad
Bitten Ranes held fram som leiar, medan Anne-Sissel Ulven Mogstad, Odd Asbjørn Bævre, Brage Einum og Jan Gausen takkar for seg i styret.
Bitten Ranes held fram som styreleiar. Her gir ho blomster og nokre velvalde ord til dei fire styremedlemmane som takkar for seg. Anne-Sissel Ulven Mogstad, Odd Asbjørn Bævre, Brage Einum og Jan Gausen. Foto: Anne-Sissel U. Mogstad
Bitten får med seg Wenche Ø. Kvendset, Ragnhild Vorum, Nils Petter Tonning, Kjell Bævre og Brynhild Tjelle i det nye styret, som skal konstituerast torsdag.
Full sal, god stemning og mykje trivsel over kaffikoppen. Foto: Anne-Sissel U. Mogstad
Sal av lodd og trekkjing kan vere god underhaldning. Foto: Anne-Sissel U. Mogstad
