Årsmøte i Nordvik Grendalag – presenterte planar for ombygging av Forsamlingshuset

Nordvik Grendalag arrangerte årsmøte i Forsamlingshuset tysdag 3. mars. Årsmeldinga synte god aktivitet i 2025.

Frå årsmeldinga:

Arrangement og aktivitetar i 2025:

-Tre styremøte

-Påskebasar

-Påskeskirenn på Nordviksetra – populært arrangement

-Afterski med quiz

-Tilsyn og vedlikehald av leikeplassen i Sollia. Dugnad med reparasjon av leiker, påfylling av grus, raking og innkjøp av nye leiker

-Vårdugnader på Øygarden – uteområde og Forsamlingshus

-Vegkant – søppelryddedag

-17. maifeiring for heile bygda

-Kulturvandring med kiosksal

-Halloweenfeiring for barna

-Førjulsbasar

-Historiekveld om Nordvik meieri og Nordvik smørlag

-Juletrefest for heile bygda

Arrangementa har hatt bra oppslutning.

Grei økonomi – rekneskapen for drift syner eit overskott på ca. 30 000 kroner.

Styret set stor pris på godt samarbeid med Matkroken Todalen – takkar for god sørvis!

Styret for 2026: Leiar Kristoffer Nordvik, nestleiar Ola Nordvik, kasserar Fay Mossing, sekretær Hanne Waag, styremedlem Nina Vikan. Varamedlemmer: Tonje Kristin Vikan, Oddvar Mikkelsen. Revisorar: Morten Haga og Karin Åsbø. Valkomite: Nils Håvard Øyås og Tore Svinvik.

På vegne av styret overrekte Nina Vikan blomster til Ola Nordvik med takk for den store og gode innsatsen han har lagt ned gjennom fire år som leiar!

Plan for ombygging av Forsamlingshuset

Etter at kjøkken, garderobar og toalett er restaurert, er det no lagt planar for å gi storsalen eit løft.

Her kan nemnast: Fjerne scena slik at arealet av storsalen blir større og med utgang mot nedsida av huset der det er fin uteplass og i tillegg eit lite påbygg til stollager m.m. Med utgang mot fjorden blir uteplassen tryggare i forhold til hovudvegen, og det blir plass til fleire parkeringsplassar på oversida av huset.

Byggekomite: Kristoffer Nordvik, Nils Håvard Øyås, Ivar Vikan, Lina Skjerve Vatten. Dei startar med stort pågangsmot og lovar ei «edrueleg» ombygging.