Det er årsmøtetid, og tysdag 25. mars arrangerte Todalen historielag årsmøte i Ungdomshuset med godt oppmøte.
Leiar John Moe ønskte vel møtt, og han vart vald til ordstyrar.
Årsmeldinga syner god og variert aktivitet med mange arrangement:
Februar: Ettermiddagskaffe med biletkviss og åresalg.
Mars: Årsmøte med kveldsmat.
Mai: Kulturvandring i Svinvika.
Juli: Busstur til Smøla, samarbeid med Stangvik historielag. Fin tur, godt ver og flinke guidar.
September: Filmkveld med Svein Åge Saksen –mange interessante og artige filmsnuttar.
Oktober: Kurs i å lage soplingar av bjørkeris, samarbeid med Nordmørsmusea. Gudmund K. Kvendset var instruktør.
November: Bokslepp for årsskrift nr. 23. Jon Husby og Øystein Moe underheldt.
I tillegg vart Halsesamlinga og reliffet av Vangsgutane flytta til Ungdomshuset.
Kasserar Sven Olav Svinvik la fram rekneskapen som synte eit underskott på 500 kroner.
Etter valget er dette styret: Leiar John Moe, nestleiar Ragnar Halle, kasserar Sven Olav Svinvik, sekretær Inger Johanne Iversen, styremedlem Britt Mossing (ny). Varamedlemmer: Åse Johanne Redalen og Knut Halset.
Styret i Todalen historielag: Inger Johanne Iversen, Britt Mossing, Åse Ville Redalen, John Moe, Knut Halset, Ragnar Halle og Sven Olav Svinvik. Foto: Dordi Jorunn Halle.
John Moe orienterte vidare om planlagde arrangement i 2025:
Kveldsmat med kviss, kulturvandring på Nordvik i juni, sommarbusstur – turmål ikkje bestemt – samarbeid med Stangvik. Første helga på oktober blir det markering av at det 150 år sidan spelemannen Halvor Ørsal vart fødd.
8. mai blir det fredsmarkering – 80 år sidan 2. verdskrigen var over. Dette blir eit samarbeid mellom dei tre historielaga i kommunen: Bøfjorden, Stangvik, Todalen og forsvarsmuseet. Kransnedlegging ved krigsminnesmerka i dei tre bygdene.
Arbeidet med nytt årsskrift er godt i gang.
Ingri Bruset og Ragnhild Ansnes Moe stilte med kviss. «Oszonlaget» fekk flest poeng og ein twistpose i premie.
Årsmøtet vart avslutta med riktig god kveldsmat.
Fleire bilete:
«Ozonlaget» vann kveldens kviss. Frå venstre: Wenche Ø. Kvendset, Kristian H. Gjeldnes, Gudmund K. Kvendset, Jon Bruset, Ståle Ansnes, Anders Halset. Foto: Dordi Jorunn Halle.
Styrelaget tenkjer så det knakar for å finne rett svar på kvissen. Foto: Dordi Jorunn Halle.
Riktig god kveldsmat. Rundt bordet: Ragnhild Ansnes Moe, Ingri Bruset, Kristian H. Gjeldnes, Anders Halset. Foto: Dordi Jorunn Halle.
Årsmøtedeltakarar. Foto: Dordi Jorunn Halle.