Arne Opdahl er tilsett som ny kommuneoverlege i Surnadal kommune, og har akkurat teke til i jobben. – Det blir spennande å tre inn i rollen som kommuneoverlege i kombinasjon med tilsynslege, seier Arne Opdahl. Han var tysdag saman med Ann-Elin Stenberg, einingsleiar i Helse og familie, på bli kjent-runde i administrasjonen.
I jobben som kommuneoverlege og tilsynslege på sjukeheimen, får han bidra med erfaring og kompetanse inn i dei faga han brenn mest for, nemleg samfunnsmedisin og eldreomsorg. Opdahl har spesialisering i allmennmedisin og samfunnsmedisin.
– Surnadal har gitt meg eit positivt inntrykk frå tidlegare erfaringar og eg håpar å kunne bidra positivt inn i kommunens arbeid som medisinskfagleg rådgivar, sa han.
Surnadal kommune ønsker Arne Opdahl velkommen som vår nye kommuneoverlege!
