Vi fann 8527 artiklar i dette arkivet.
Det vart Ester Karin Larsen som vart den heldige vinnaren av Matkroken Todalens påskekonkurranse i år. Alle som har vore innom butikken har fått gratislodd (Handlelapp med namn), og gevinsten var eit gåvekort på kr 500,- som no er trekt. Ester Karin Larsen var vinnar av gåvekortet. I tillegg vart det trekt 3 trøstegevinstar – 3 påskeegg med påskegodt. Bla om så kan du sjå kven som vart vinnarar av trøstegevinstane.
Basar tysdag i den stille veka er fast tradisjon på Nordvik. Ein fin tradisjon som gjer at fastbuande nordvikgardingar, utflytta nordvikgardingar og hyttefolk kan møtast til hyggeleg prat, mimre eller få nye bekjentskap.
Gunnøydilten har vore stor suksess kvar gong – skjærtorsdag 28. mars er det igjen klart for eit nytt og fint arrangement – Gunnøydilten går etter Toåa tursti, og har sin base rundt gapahuken i Båthølen. Der er det TILs trimgruppe har tilhald, og som vanleg har dei litt av kvart å by på. Trimgruppas kanelsnurrar er viden kjent – langt utover Nordmøre.
Todalen sokneråd inviterer til friluftsgudsteneste på Tjønnmyran 2. påskedag. Å avslutte påska med friluftsgudsteneste har lang tradisjon – først var det på Haugligardane i mange år, men dei siste åra er det gapahuken på Tjønnmyran som har «husa» arrangementet. 2. påskedag startar gudstenesta på Tjønnmyran kl 12, og det er vikarprest Hans Arne Aakerø som er litturg.
Det er ikkje så vanskeleg å lage nye frukttrær, men det er faktisk ein del knep ein må bruke for å få bra resultat. Søndag var det kurs i poding i Svinviks arboret, og da var det mange interesserte deltakar som meldte sin interesse for å lære faget.
Surnadal Blades er ein lokal ishockeyklubb med både Todalingar, Surnadalingar og fleire til – søndag var dei i Kristiansun for å prøve isen i Nordvest Arena på tampen av sesongen. Surnadal Blades hadde med seg forsterkningar frå Sagene Puck i Rindal, og kalla seg for høvet for Sagene Blades.
NM i Randonee har i helga pågått i Lillehammer, og i dag var det full spenning under NM i sprint der både Erik Kårvatn og Aron Rodale Haugen hamna på pallen – på henholdsvis 2. og 3. plass.
På Todalshytta opnar dei restauranten 3 dagar i påska. Vi har alt røpa at det blir balldag på tysdag, med servering frå 15:00 til 18:00, og som vanleg blir det både sildball og potetball på menyen denne dagen. Langfredag blir du invitert på «after ski» på Todalshytta, og da bys det på burger & pizza med godt tilbehør, fortel Arve Evensen som er vertskap på Todalshytta.
Sidan stormen i vinter har hengebrua mellom Liatun og Heggøyann vore steng for all bruk. I dag har det pågått reparasjon av brufesta og brutårnet på eine sida, og no er brua atter farbar for fotgjengarar som kan bruke brua på eige ansvar. Det er Gunnar Nordvik som med god hjelp av Per og Arne frå Gjeldnes Maskin som har jobba med reprasjon av brua, medan arbeidet har vore administrert av Todalen Bygdalag.
Påska er like rundt hjørnet, og på Todalshytta startes påskefeiringa med baqlldag komande tysdag 26. mars. Som vanleg er det servering frå kl 15:00 til Kl 18:00. Kjøkkenet byr også denne dage på både potetball eller sildball med tilbehør. Om du vil ha potetball eller sildball er nok «smak og behag» – og da er […]
Det var Sparebank1 Nordmøre som stod som arrangør, da vel to hundre deltakarar var på plass i Storstua da banksjef Allan Troelsen ønska velkomen. Årets næringslivsdag er nr 20 i rekkja, og Troelsen starta årets arrangement med å orientere om verksemda til banken. Han poengterte at det er viktig for næringslivet å delta på slike arrangement, både for å treffe andre og for å bygge nettverk. Da blir Storstua den perfekte møteplassen, og bank kjem til å fortsett med dette så lenge det er interesse for å delta, sa Troelsen.
Historielaget heldt årsmøte i Ungdomshuset tysdag 19. mars med godt oppmøte.