Sist laurdag var det podekurs i Svinviks arboret. 16 deltakarar frå distriktet rundt okring deltok på kurset som altså vart arrangert i regi av arboretet, med Sven Olav Svinvik og museumsgartner Stefan Patric Nilsen som kursleiarar og ekspertar.
det var ein engasjert gjeng som deltok på podekurset. Foto Sven Olav Svinvik
Kursdeltakarane fekk først teoretisk påfyll inne i kafeteria, medan praksisen i podearbeidet vart gjennomført utandørs i det fine vårvêret. Kvar deltakar fekk prøve seg på poding i praksis og poda 2-3 frukttre av forskjellige slag for å plante i hagen heime. Det vart bruka både epler, pærer og plommer av forskjellige slag. I podearbeidet vart det bruka sertifiserte podekvistar og grunnstammar, slik at ein ikkje resikerte å spre sjukdomar.
Poding er litt akkuratarbeid – kursdeltakarane fekk gode tips frå instruktørane. Illustrasjon Svinviks arboret
Sven Olav Svinvik har sin bakgrunn frå gartnerskulen på Staup, ved Levanger, og var i ei årrekkje tilsett ved Svinviks arboret medan det var drive av Ringve museum. Dei to instruktørane hadde bok nokre knep å lære bort for å få eit godt resultat av podinga.