Romjulsmarsjen med Todalen ILs trimgruppe som arrangør er i ferd med å bli ein lang tradisjon – slik er det i år og – Romjulsmarsjen går av stabelen 3. juledag (laurdag 27. desember) med start i tidsrommet 12:00 til 14:00. Da blir det godt å kome ut og røre litt på kroppen, seier Toril Talgø som er leiar i TILs trimgruppe.
Gratis turkopp til alle som deltek i Romjulsmarsjen – velg mellom 4 fargar ! Foto TIL
Trimgruppa byr på varm gløgg til deltakarane med ein godt etablert «gløggstasjon» på Bruset, og alle som passerer Bruset på turen rundt bygda får også ein flott turkopp som ei slags deltakarmedale – Du kanvelge om du vi ha turkoppen i gul, orange, rød eller blå farge. På Bruset blir det og høve til å kjøpe lodd i Romjulslotteriet – her blir det trekkjing umiddelbart etter at Romjulsmarsjen er avslutta.
Kom og bli med oppfordrar TILs trimgruppe!
Trimgruppa serverer varm gløgg på Bruset – arkivfoto Jon Olav Ørsal