Arkiv for februar, 2026

Ungdomslandslaget avslutta YWC-opphaldet i Berchtesgaden med individuell konkurranse – det vil seie så fort som mulig til toppen og så rett utfor og nedatt igjen. I dagens konkurranse var det 36 deltakarar i U20-klassen for herrer.  Aron Rodal Haugen sikra seg beste plassering på ein 13.-plass, medan Isak Drøpping kom inn på 15.-plass eit lite minutt etter Aron.  Målgangen skjedde på ca 1800 meter høgde, og dei er nok litt prega av høgdeopphaldet no, seier Halvor Drøpping som er med som leiar

Søndag 15. februar frå klokka 11:00 inviterer Todalen Idrettslag og Trollheimen Fjellsportklubb til siste dag i World Cup for ungdom i Randonee på Vang Skiarena. Da er det individuell i Strengentraseen som står på programmet, der start og målgang er på Vang. 

Onsdag 11. februar klokka 18:00 startar Venner av Skulstuå i Todalen oppatt med bøt & bedring i Skulstuå. Ta fram «hållåte» og slitte klede som treng å bli bøtt. 

Ungdomslandslaget viser gode takter i Berchtesgaden i Tyskland, der dei i dag har delteke i Youth World Cup i vertikal.  Forma ser ut til å være inne til rett tid, for neste veke skal dei konkurrere på heimebane i Sæterlia og Strengentraseen.

Laurdag 14. februar inviterer Idrettslaget Søya og Trollheimen Fjellsportklubb til familiedag og 
World Cup for ungdom i randonee på Vang Skiarena og Strengentraseen frå klokka 11:00. 

Randoneelandslaget deltek denne helga i Youth World Cup i Berchtesgaden i Tyskland.  Det gjeld dei fire – Mads Gjethammer, Iver Holen, Aron Rodal Haugen pg  isak Drøpping – dei to siste frå Trollheimen fjellsportklubb. 

Torsdag var det mobilisert til spesialtransport av ein stor tank til det nye fyringsanlegget på Talgø MøreTre.  Det var Sea Cargo Express som kom den store tanken som er på heile 279 m3 og som var på 25 meter.

Fleire husstandar i Surnadal kommune er utan vatn som følge av at vatnet har frosset eller er borte som eit direkte resultat at den tørre etterjulsvinteren. Surnadal kommune har med bakgrunn i dette, og at Teknisk drift opplever at stadig fleire tek kontakt for å få hjelp fordi vatnet er borte, torsdag hatt eit beredskapsmøte for å diskutere situasjonen.   

Surnadal sanitetsforening, Surnadal Demensforening og helselag, saman med Surnadal kommune inviterte onsdag ettermiddag til «pårørandekafe» i lokala til Surnadal frivilligsentral i Fiskegården på Skei. Kafeen held ope frå 18:00 – 20:00 ein onsdag kvar månad. Tanken er at «pårørandekafeen» skal vere ein fristad der omsorg og fellesskap, saman med ein kopp kaffe, går hand i hand. 

Todalen sanitetsforening inviterer til årets første strikkekaffe laurdag 7. februar i tidsrommet frå kl. 13:00 til 16:00. 

Onsdag kveld var det årsmøte i Surnadal Arbeiderpartiet på møterommet bak kantina på Surnadal sjukeheim. knapt tjue medlemmer møtte fram for å delta på årsmøtet, noko leiar Bente Mosbakk sa seg godt nøgd med. 

I fjor markerte Kyrkja i Surnadal Samefolkets dag på sjølve dagen den 6. februar med godt oppmøte på Kyrkjelydshuset på Skei. 
I år har dei lagt feiringa til gudstenesta i Mo kyrkje, søndag 8. februar klokka 11:00. Leiar av Samisk kirkeråd, May Bente Anita Jønsson, som jobbar og bur på Sunndalsøra, deltek under gudstenesta.