Vi fann 68 artiklar i dette arkivet.
Torsdagens sprint med Trollheimen fjellsportklubb som arrangør vart ein skikkeleg festdag med knappe hundre deltakarar og sol frå nærast skyfri himmel – litt kaldt var det nok, men sola gjorde iallfall forsøk på å varme oss litt. Arrangørklubben må få skryt for eit prikkfritt arrangement, og sjølv om det var skalert opp til World Cup -status var det ingen problem med å halde tidsskjema gjennom heile arrangementet.
På fylkesveg 6145, rett under Hammaren og rett før siste bakken ned til Todalsøra, har det i snart fjorten dagar vore mykje is i vegbanen. Veidekke er varsla, men så langt er ikkje isen fjerna, og det er heller ikkje sett opp noko form for varsling.
Måndag 16. februar, og tysdag 17. februar, dersom det er nok påmeldt, blir det fotpleie med fotterapeut Pan Promchart i Todalen sanitetshus frå klokka 09:00.
I kveld var det høgtideleg opning av Ungdomsverdencupen (YWC) i randonee som arrangerast i Surnadal denne veka. Heile 98 deltakarar frå 17 land er komne for å ta del i dette arrangementet, som startar torsdag med sprint i Surnadal alpinsenter. Arrangementet fortsett laurdag med vertikal i Strengentraseen og rundar av søndag med individuell også i Strengentrasee. Søndagens arrangement var tenkt arrangert i Dalaia på Kårvatn, men måtte flyttast på grunn av førefoholda.
Månadens bilete for januar er klart til avstemming. Måneskin, nordlys, dyreliv og kveldsro – ja kandidatane er like varierte som januar sjølv. Ta ein kikk på bileta og stem på favoritten din.
Da vi stakk innom Sanitetshuset på Kvennset var det fullt arbeid med å lage bukettar med fastelavnsris av bjørkeris, og fastelavnkransar av lerketre. Vi passa på å kome i kaffepausen, og vart sjølvsagt med på trakteringa. Men snart var dei 8 damen i full gang med å sortere og lage bukettar med fargerike fjør – tilsaman rundt 50 i talet. Bukettane og kransane skal selgast for kr 150, medan store fjør kostar kr 25 og blir montert på sanitetstreet utafor buikken.
Styret i Pensjonistforbundet Surnadal kallar inn til årsmøte onsdag 25. februar klokka 14:00 i lokala til Surnadal frivilligsentral i Fiskegården på Skei.
(Driva.no) Frå torsdag 12. til søndag 15. februar arrangerer Trollheimen Fjellsportklubb Youth World Cup (YWC) i randonee, eller World Cup for ungdom for oss som ikkje er så stødige i engelsk. Sprinten blir arrangert i Surnadal Alpinsenter Sæterlia, medan vertikal og individuell blir arrangert i Strengentraseen. IL Søya er medarrangør laurdag, medan det er Todalen Idrettslag som er medarrangør søndag.
Demenskoret er godt i gang og kosar seg når dei har øvingskveldar i kantina/møterommet på sjukeheimen, fortel Liv Botten som er leiar i Surnadal demensforening og helselag som star attafor. No har dei eit stort ønske om å få med fleire, og spesielt heimeboande som er demente, fortel Liv. Vi treng litt større breidde, og da passar det godt med fleire heimeboande saman med pårørande – eller kanskje ein korvenn kan være med?
I ei pressemelding frå Surnadal kommune no i ettermiddag, blir vi fortalt at Ingrid Fagerli, som bur på Storås, har takka ja til å bli kommunalsjef Livsløp i Surnadal kommune. Fagerli kjem frå stillinga som kommunalsjef for helse og omsorg i Rennebu kommune, ei stilling ho har hatt dei siste seks åra. Ho har i tillegg brei erfaring frå både offentleg og noko privat sektor på CV-en sin.
I ei pressemelding frå SpareBank 1 Nordmøte på formiddagen i dag, presenterer banken programmet for den 22. Næringslivsdagen i Surnadal, som i år blir arrangert i Storstuå på Surnadal kulturhus onsdag 25. mars frå klokka 08:30. Banken har også i år sett saman eit aktuelt og interessant program, der Jan-Erik Larsen, som mange år tidlegare, er programleiar. Heile omtalen av programmet kan ein lese nedanfor. Påmelding på Næringslivsdagen i Surnadal 25. mars 2026
Nordmørsmusea lyser no ut årets sesongstillingar i Svinviks arboret, så har ein lyst til å søke seg sommarjobb i arboretet eller kjenner nokon som kunne tenkt seg sommarjobb og bør få eit typs? Da er det berre å halde fram med å lese!