Vi fann 81 artiklar i dette arkivet.
Romjulsmarsjen med Todalen ILs trimgruppe som arrangør er i ferd med å bli ein lang tradisjon – slik er det i år og – Romjulsmarsjen går av stabelen 3. juledag (laurdag 27. desember) med start i tidsrommet 12:00 til 14:00. Da blir det godt å kome ut og røre litt på kroppen, seier Toril Talgø som er leiar i TILs trimgruppe.
Frå torsdag 1. januar overtek Sondre Halset, gjennom selskapet L. Hals AS eigarskapet og drifta av Matkroken Todalen frå L. Hals Eftf. AS, og det 113 år gamle selskapet L. Hals Eftf. AS går over i historibøkene. Fredag 2. januar blir første driftsdag for L. Hals AS når Matkroken Todalen opnar dørene klokka 09:00. Sondre får med seg Jorid H. Ansnes som assisterande butikksjef, ei stilling ho også har hatt i mange år i L. Hals Eftf AS.
Vi i redaksjonen ønskjer alle våre lesarar ei riktig god og fredfull jul! Vi helsar til alle – både fjern og nær – som har vore med oss her på Todalen.no.
Julaften var det faktisk eit lite hundretal som deltok i julegudstenesta i Todalen kyrkje. Det var sokneprest Pål Arne Winsnes som heldt gudstenesta, med Einy Rendal Elgsæther som med liturg. Med så bra besøk i kyrkja vart det ein flott allsong under gudstenesta – til tonar frå organistvikar Bernt Bøe.
Todalshytta inviterer på «Romjulsbobler & Quiz» i romjula, nærare bestemt 3. juledag. Dørene blir opna kl 16, og da blir det servering av pizza og burgen med god drikke til i restauranten.
Da er vi faktisk komne til siste trekning for årets julekalender i regi av TILs trimgruppe. Årets Julekalender har føyd seg inn i suksessrekkja og etter at 94 gevinstar er fordelt på over firehundre julekalendrar og nærare 45.000 blanke kroner til Todalen Idrettslags trimgruppe, må det være lov å kalle kalender-prosjektet for ei stor suksess. På finaledagen går den aller første gevinsten som er ei juleklokke i tre til familien på Myrmo i Myrjarvegen.
Da har vi akkurat fått den 55 årgangen av den populære Søyaposten, som Idrettslaget Søya er utgjevar av. Dette er kjærkommen julelektyre til glede for mange og noko som det blir sett pris på.
Sparebankstiftelsen SMN fortel i ei pressemelding på føremiddagen i dag at dei totalt har delt ut 350.000,- i tilskot til 4 lag og foreiningar i Surnadal kommune. Dei som har fått tilskot er Todalen Idrettslag, Øvre Surnadal Idrettslag, Surnadal Røde Kors og Surnadal Ishockeyklubb. – Her får vi satt pris på det som foregår både i grendene og sentrum, seier banksjef Berit Skralthaug mellom anna i pressemeldinga, ei pressemelding ein i si heilheit kan lese nedanfor.
Vi er i mål med nest siste trekning for TILs julekalender for i år. Denne dagen har vi også 4 gevinstar som vi skal fordele på alle deltakarane som har kjøpt julekalendere for å kunne delta i trekninga – første gevinst i dag er eit heimebaka brød og eit glas tomatsild som vart trekt ut til Ståle Ansnes og barnebarna.
Måndag morgon kalla styret i Sparebankstiftelsen Surnadal Sparebank inn til pressekonferanse på Surnadal kulturhus, der agendaen rett og slett at dei ville spreie litt juleglede. Sparebankstiftelsen var representert med dagleg leiar Karina Wigum, styreleiar Jostein Kvendset, styremedlemmene Linn Hamnes, Nils Inge Aasgård og Mari Vattøy.
På tidleg ettermiddag i dag tikka det inn ein epost frå Johnny Nonsens Myklegard og Anita Ugedal. Dei to driv podcasten Bonussporet. Dei fortel at det i dag er sesongfinale, og at dei idag fortel vi ei reell julehistorie frå 1887, hentå frå Endre Jerpstads samtidskjelder, gjengjeva i moderne språkdrakt, men med stor respekt for tid, tone og detaljer. Historia følger ei jule- og romjulsreise med hest og slede, frå Å i Meldal, gjennom Rindalen, og videre til Todalen, der heile romjula skulle feirast.
Svorka opplevde ein omfattande skade på straumnettet under stormen Amy tidlegare i haust. Dei opplevde brudd på 2 kablar i høgspentnettet på grunn av fleire trefall og fleire pålar vart skadd – og måtte skiftast.