Arkiv for november, 2025

Det er ikkje ofte det dukkar opp noko av interesse i postkassen lenger, men onsdag var i så måte eit unntak. For i postkassen låg årsskriftet til Stangvik historielag for 2025. Eit innhaldsrikt og flott hefte. Årsskriftredaksjonen har i 2025 bestått av Lars Steinar Ansnes, Torbjørn Polden, Berit Anne Botten Røkkum og Marit Haugen. 

Endeleg skjer det noko positivt og dette var flott – det var omkvedet blant dei mange som var møtt fram for å  på Torgplassen for å ta den nye lysgloben i nærare augesyn.  – og folk lika det dem såg.  Vêrgudane sørga for eit lett snødryss for liksom å sette det heile på spissen. Bruken av lys i mørketida er påstått å være helsebringande, og har grepet om seg etter at LED-teknologien praktisk talt revolusjonerte straumforbruket til belysning. 

Søndag 23. november kl. 11:00 er det gudsteneste i Todalen kyrkje.  Gudstenesta blir denne gongen direktesent på nett.  Det blir takkoffer til trusopplæringsarbeidet i soknet.  Liturg er nytilsatt prest i Indre Nordmøre prosti,  Lars Skagestad.  Etter gudstenesta serverer soknerådet kyrkjekaffe.

TILs Trimgruppe satsar stort på årets «Julekalender» som blir ein god tradisjon. Trimgruppa følgjer opp suksessen frå dei to siste åra der det er trekning frå 1. desember og kvar dag fram til jule. Det er fleire gevinstar kvar dag, og det er like stor spenning kvar dag når vi på Todalen.no publiserer vinnarane kl 06:00. Trimgruppa er alt i gang med salet av julekalenderen på nett, men laurdag 22. november blir det sal av TILs Julekalender på Matkroken Todalen. Da blir det og graut og bakels å få til kaffen i Kaffekroken. 

Pensjonistforbundet Surnadal hadde onsdag 19. november medlemsmøte i lokala til Surnadal frivilligsentral i Fiskegården på Skei. Temaet denne gongen var eldre og rus. 

Omsorgsgruppa i Surnadal Røde kors, i samarbeid med Hammerstuene og Martha Torvik, inviterer i år til gratis og rusfri lågterskeljulefeiring for absolutt alle, både einslege og familiar, på Hammerstuene onsdag 24. desember klokka 13:00 – 15:00. Påmeldinga har så langt vore god, men det er framleis plass til enda fleire, kan Elin Bøkleppp Kvande i Surnadal Røde kors fortelje. 

Todalen historielag inviterer laurdag 22. november klokka 18:00 alle til Todalen ungdomshus for å markere at det i år er 150 år sidan Nordmøres store spelemann Halvor O. Ørsal vart fødd. Halvor vart fødd den 22. desember i 1875.

Elea sel den tradisjonsrike adventskalendaren til Alpingruppa i  Surnadal IL. Kalenderen finn ein på Matkroken Todalen, og kan kjøpast via Vipps 113793 til Surnadal IL Alpin.

Tysdag ettermiddag tok Todalen sanitetsforening turen til Bårdshaugen i Surnadal for å servere kveldsmat til bebuarane på Surnadal sjukeheim, noko dei også har gjort fleire gonger tidlegare. 

Innbyggarane i landsbyen Brikama Manduar i Gambia rettar ein stor takk til P17-koret, Kvameratene, Basarensemblet og alle andre som har gjeve pengar til å få bygd «Todals brynn» i landsbyen. Det var hovudsakleg under songkvelden i Todalen ungdomshus tidlegare i haust at pengane til den nye brønnen vart samla inn. 

Dei siste par dagane har det gått nærast døgnet rundt for brøytesjåførane hos Todalen Mjølk.  Deit har brøytinga både på fylkesvegane, kommunevegane og på dei flest private vegane.  Sist natt har det kome 20-30 centimeter med tung, kram nysnø – det har bokstaveleg talt lava ned, seier Anders A. Karlsen som beklagar at kapasiteten på det næraste er sprengt sjølv om 4 traktorar har gått i eitt.

Kyrkja i Surnadal inviterer til «felles middag» på kyrkjelydshuset onsdag 19. november klokka 16:00. Store og små i alle aldrar er da velkomne til «felles middag» på kyrkjelydshuset på Skei. På onsdag blir blir det servert spagetti med kjøttsaus.