Arkiv for oktober, 2022

Todalen sanitetsforening har i fleire år samla inn julgåver til trengande i Estland. Julegåvene må vera innpakka og merka med alder og kjønn til mottakar.

Torsdag 3. november klokka 11:00, inviterer Surnadal Pensjonistlag til trim i Trudvang. Surnadal Pensjonistlag har fått med seg ein fysioterapeut til å leie treninga, og å vise fram gode øvingar, som gjer godt for kroppen!

Torsdag kveld inviterte Barne- og ungdomsgruppa i Todalen Idrettslag, til balleik i gymsalen på Todalen skule. Fjorten ivrige ungar og ungdommar møtte møtte opp for å spele kanonball og stikkball. Så timen som var avsett gjekk fort.

Surnadal kommune opplyser at dei framleis har ledige timar for influensavaksinering, både måndag 31. oktober og tysdag 1. november. Influensavaksine er det viktigaste tiltaket for å unngå alvorleg sjukdom, men både Folkehelseinstituttet og Helsedirektoratet er bekymra for vaksinasjonsdekninga.

Todalen Idrettslag opplyser om at det no går beitedyr ved traseen til Toåa tursti. Det er i samband med dette sett opp grind, som kan opnast, der øvre sti ned til Gunnøya tek av. Grinda kan som sagt opnast, men må også stengast når ein har gått igjennom, slik at beitedyra ikkje «stikk av»!

I innspurten inn mot jul blir det ei spennande tid i restauranten på Todalshytta.  Det er opplegg til mange kveldar med mykje god husmannskost – tradisjonsrike rettar for oss som likar god mat.  Vi kan berre nemne tjukkerter, kjøtt & påsse, lutefisk, sildball, potetball, juletallerken – med og uten pinnekjøtt, Julebuffet og til og med ein frisk og smakfull Thai-buffet vil restauranten by på, fortel Arve Evensen – vert på Todalshytta.

Kombinasjonsbiblioteket ved Todalen oppvekstsenter, vart lagt ned etter at skulen vart slått saman med Todalen og Stangvik oppvekstsenter og flytta til Evenshaugen. Måndag 31. oktober mellom klokka 17:00 – 20:00, blir det difor arrangert (gratis) «sjølvplukk» av bøker, hyller og reolar.

Iver Magne Nes som er butikksjek for Eiksenteret i Surnadal sit på ein raider som står saman med to raidere til og eit par-tre snøfresarar.  Alle sammen skal leverast til kundar no, og det er litt spesielt at 3 slike traktorklipparar skal leverast denne årstida. Men Iver Magne fortel at det har vore store problem med leveranser i heile sommar, og problema botnar ut i at det har vore mangel på deler i produksjon.  Det er ei kjent sak at både bilindustrien og produsentar av mange typar maskinelle produkt har hatt problem med levering ev elektriske komponentar – sakalla halvledarar. 

Kløverturen på FN-dagen, altså 24. oktober, gjekk frå Sjøledet og utover til Haltbakkan. Sola var lenge gøymt bak eit skoddehav, men etter kvart «brann skodda opp» og kløverturgjengen fekk nyte sola. 

25 ivrige barn og unge hadde frå fredag ettermiddag til laurdag føremiddag, LAN-party oppi ungdomshuset. Svorka hadde sett opp styrken på hastigheita til fibernettet til maks styrke. Mange takk til Svorka!

I dag tidleg vart vegen i Hauann litt for smal, da to semitraller møttes på Nordvik.  Den eine med fullt lass med element frå Talgø Bygg og den andre på tur innover i same ærend.  Dermed bar det i grøfta med den eine bilen, men begge  bilane hadde liten fart og verken bilar eller mannskap kom til skade. 

Barne- og ungdomsgruppa i Todalen Idrettslag inviterer torsdag 27. oktober klokka 18:00 til 19:00, til balleik i gymsalen ved Todalen Oppvekstsenter. Tilbodet er spesielt retta mot barn og unge i alderen 6 – 16 år.