Vi fann 80 artiklar i dette arkivet.
Så snart vi kunne måle kuldegrader på gradestokken så var snøproduksjonen i gang i Surnadal Alpinsenter i Sæterlia. Fredag var det snøprodksjon i gang og dersom den kalde vêrtypen held, så blir det nok snøproduksjon nokre dagar.
Gudmund Kårvatn og Olve Børmark fortel at det har vore spesielt hektisk denne veka, som nok er prega av både Black Week, Black Friday og sjølvsagt sett nok julehandelen etter kvart preg på aktivitetane både i butikken og i nettbutikken. No er det altså heilsvarte dagar med 25% på det meste av sortimentet – med visse unntak.
I morgon (laurdag) vil medlemmer frå Start 4H ha stand utanfor Matkroken Todalen, for å selje kornband. Kornbandsalet går føre seg i tidsrommet mellom klokka 11:00 – 15:00. Start 4H ønskjer alle velkomne innom standen sin, for å kjøpe kornband eller slå av ein prat!
Søndag 28. november, frå klokka 18:00, er det tenning av, den etterkvart tradisjonelle, julegata til Todalen Grendalag mellom Matkroken Todalen og Talgø. Tenninga av julegata går føre seg utanfor Matkroken Todalen. Det blir sal av lodd i Grendalaget sitt «Julegatelotteri», som har trekning seinare søndag kveld. Grendalaget spanderer kaffe og bollar på dei vaksne og gløgg til ungane. Grendalaget har også gjort avtale med nissen, og han har lova å ta ein tur, så kanskje vankar det ei lita førjulsoverrasking?
Lørdag 27.11. kl 13:00 er det høytidelig åpning av medlemsutstillingen «Tussmørkre» i Galleri Finstuå, der det blir musikalsk innslag med ALEX TRIO.
Komande onsdag, 1. desember kl 18 er det storstila julegrantenning i Trudvangkrysset i Brusetmarka. Dei har invitert heile «Øverbygda», frå Brusetbrua og oppover til Kårvatn. Som vanleg blir det nok traktering med gløgg og vanleg tilbhør.
I ei pressemelding frå kommuneoverlegen no i føremiddag, får vi informasjon om aukande smitte og vidareføring av lokal forskrift. Onsdag 24.november vart det påvist 9 nye smittetilfelle i Surnadal. Det er eit høgt tal, men venta, etter at personane hadde testa positivt på hurtigtestar tidlegere i veka.
Onsdag 1. desember klokka 19:00 inviterer Tordenskjold songlag til førjulstund saman med Oddgeir Bruaset i Ranes kyrkje. Her vil Oddgeir Bruaset fortelje historia bak dei mest kjente julesongane våre, før Tordenskjold songlag syng dei. Tordenskjod gler seg til endeleg å få synge julesongar att, og lover ei koseleg førjulstund for dei som kjem til Ranes kyrkje den 1. desember.
No er det tid for ein ny runde med fotpleie i Todalen sanitetshus. Fotterapeut Pan Promchart kjem måndag 13. og tysdag 14. desember. Det er mange ledige timar båe dagane.
I snekkarverkstedet på Liatun er det eit arnested for spesielle ting som folk vil ha. I dag la Gunnar Nordvik siste hand på verket for klokketårnet som skal til Nordvik. Det er Karin Åsbø og Nils Håvard Øyås som har bestillt klokketårn som skal monterast på det restaurerte stabburet heime i Nedre Slettnesset.
Elva Surna har i natt gått over sine bredder – på topp var nok vassføringa mellom klokka 2 og 3 i natt – og hadde da større vassføring en under storflaumen for eit par år sia da både krøtter og sauer vart tekne av flaumen. No var flaumen varsla – sågar på orange nivå – og både krøtter og sauer var forlengst komne i hus.
Kommuneoverlegen fekk seint i går kveld melding om to nye positive PCR-testar i Surnadal.Det eine smittetilfellet er ei kvinne tilsett i skuleverket, som er smitta gjennom kjent smitteveg frå Trondheim.Det andre smittetilfellet er ein mannleg handverkar som er smitta i forlenginga av utbrotet i Midtigrenda barnnehage.