I løpet av helga har det gått eit stein- og jordskred ved bekken som kjem ned utafor fyrløkta i Todalsfjorden. Stein og jord har tatt med seg ein del skog på vegene ned, og alt har hamna i fjøresteinane. Ein del av massane har vorte vaska til sjøs, men det ligg framleis mykje skog i beltet fra Fjøra og litt oppover.
Vi har ikkje informasjon om tidspunkt for raset, men det er nok det sterke regnvêret i helga som er årsak til raset som er ganske stort og strekkjer seg eit godt stykke oppover lia. Fyrlykta ligg 50-100 meter lenger innover i fjorden, og den er ikkje berørt av raset ser det ut til.