Todalen Idrettslag

Tysdag kveld inviterte trimgruppa i Todalen idrettslag til trimtur opp til Gammelsetra ytst i Kvennsetdalen. Sjølv om det var litt grått og surt ver, var det godt oppmøte med i alt tretten trimmarar.

Måndag kveld møttes Søya/Todalen og Surnadal i klassen G10 til kamp på Bordholmen. Her var det full gass frå start til slutt, og det vart ein målrik kamp. Surnadalsgutane vart hakket for sterke og vann med god margin. Gutane og dei to jentene på Søya/Todalen hadde likevel fleire fine sjansar etter gode gjennomspel.

Måndag kveld var det start på sesongen for trimgruppas fellesturer. Årets første fellestur gikk til Nauståfossen men surt og kaldt vêr gjorde at deltakartalet var forholdsvis beskjedent – 6 deltakarar vart med på turen

I morgon er det nok ein fotballkamp på Bordholmen. Da er det gutane på Søya/Todalen i klassen 10 år som møter Surnadal til dyst. Det blir åpen kiosk med salg av bakels og graut. Kampstart klokka 18.

Denne veka startar trim- og friidrettsgruppa med lagseriestemne på Bordholmen.  Første kveld er tysdag 23. mai, og vi treffes på Bordholmen kl 18.00.  Vidare blir det lagseriestemne kvar tysdag kl 18, heilt til skulen sluttar. Det blir og høve til å ta idrettsmerkeprøve i samband med lagseriestemne, melder ski- og friidrettsgruppa.    

No har TILs trimgruppe klart sitt vårprogram. Det startar alt åndag kveld, med kveldstur til Nauståfossen. Vidare utover våren er det lagt opp til turar til Gammalsetra, Dalasetra og Ansnessetra – ein familietur til Stor-Johannestålla har det også vorte plass til.

I kveld var det lokalderby mellom samarbeidslaget Surnadal/Søya/Todalen og Sunndal i klassen G14 på Bordholmen. Sunndalingane var hakket sterkare og hadde komandoen begge omgangane. Sluttresultatet vart til slutt heile 14-0 til bortelaget.

Torsdag kveld (18.mai kl 19.00) er det årets første kamp på Bordholmen. Det er G14 Søya/Surnadal mot Sunndal 1. Ta turen til Bordholmen – det er fleire todalingar på Surnadal/Søya-laget. – Sal av bakels og graut og andre varer i kiosken, rapporterer fotballgruppa.

Fotballgruppa i Todalen Il er ansvarleg for dagens 17. mai frukost. Dei melder no om at det blir servering på Bordholmen etter biltoget. Dei siste åra har det vore i Ungdomshuset, men i år ser det ut til at veret spelar på lag, slik at det blir uteservering på Bordholmen.

Torsdag er treningsdag for knøttelaget i Todalen. Gårsdagens trening starta litt annleis sidan leiar i fotballgruppa hadde utfordra dei til å plukke søppel frå Bordholmen og på baksida av fabrikken i løpet av våren. Og med ein gjeng ivrige og lettbeinte ungar vart bilen til fotballeiar Knut fyllt opp med alskens skrot på ein stor halvtime.

Tidlegare annonsert prøving av Todalen IL sine klubbjakkar er dessverre utsett ei veke da forsendelsen frå Danmark er forsinka.

Todalen IL har no bestemt at idrettslaget endelig skal få nye klubbjakker. Disse var i første omgang tenkt kun for knøttelaget, men etter ei vurdering blir det no opna opp for bestilling for alle ihuga todalspatriotar.  Jakken er svart og kvit som på bildet, av merket Hummel, og kan bestillast i alle størrelsar frå 116 […]