Det var rett og slett ein salsstart over all forventning, seier Gudmund Kårvatn til Todalen.no. – Folk kom frå både nær og fjærn for å sikra seg utstyrsgodbitar eller rett og slett ta seg ein kaffekopp og smaka på heimebaksten til Søstrene Dala. Laila, Kristian og Gudmund hadde det travelt med å betjene alle som kom innom i løpet av dagen.
– Men salet har knapt starta, og det er meir enn nok «gosaker» att. Og for første gong held vi søndagsope. Så allereie søndag frå kl 12 er dørene opne igjen på «butikken på låven», fortel Gudmund i ein kjapp e-post til redaksjonen.
