Prosjektkoret 2017 er meir eller mindre ei fortsetting av Todalskoret, eller kanskje vi heller skal seie felleskoret med Åsskard kyrkjekor. Det er framleis Bernt Bøe som er dirigent og musikalsk leiar, men har no ei friare tilknyting etter at han vart pensjonist. Onsdag 13. september kl 19.00 inviterer koret til «haustsongkveld» i Todalen ungdomshus.
Her blir det både korsong, allsong og sosialt samvær – og sjølvsagt blir det kaffelag. Det er no lenge sia det har vore allsong- og korsongkveld i ungdomshuset, og vi gler oss til å kome i gang igjen, seier Borghild Talgø i Prosjektkoret 2017 som altså er arrangør.