Konserten i går kveld med Bård og Drengen – Bård Engh og Terje Kristiansen – vart ein intimkonsert i ordets rette forstand. Eit tjuetals tilhøyrarar fikk iallfall full utteljing for hundrelappen sin. Bård Engh og Terje Kristiansen klarte å skape ein god og intim atmosfære under konserten som foregikk i peisestua på Todalshytta.
Bård Engh – trubadur med eit breitt repertoar Foto: Jon Olav Ørsal
Terje Kristiansen hadde godt lag med gitaren – 50 års erfaring hjelper på! Foto: Jon Olav Ørsal
Dei to hadde aldre opptredd saman før, men gikk like trøstig på scena etter ei treningsøkt på eit kvarter. Men dyktige artister har ikkje problem med å finne tråden i musikken, og Terje har 50 års erfaring med gitaren – det hjelper på! Og det fikk vi da også høre, og det fungerte under heile konserten. Dei to framførte eit allsidig program som spente frå Lillebjørn Nilssen i starten og vidare via irske folketoner til Evert Taube, Bellmann, Beatles, Ulf Lundell, Cornelis Vreeswijk, Trond Granlund, Creedence og eigne låter.
I det heiletatt ein triveleg konsertkveld med 2 timer song og musikk med både artistar og publikum i godlynne.
Terje og Bård hadde aldre spilt saman tidlegare – for høvet danna dei gruppa «Bård og Drengen». Imponerande kva dei fikk til med berre eit kvarters øving. Foto: Jon Olav Ørsal