Etter vel eit år med berre fem mann i brannvesenet i Todalen, er no ein ny mann ansett og korpset er fullbemanna igjen. Anders Ansnes Karlsen er no frå 1. april klar til å rykkje ut ved brann og andre nødvendige oppdrag. For ein brannkonstabel er ikkje riktig som det var før i tida. No har brannmannskapet også ansvar for eigen hjartestartar, som er registrert hos AMK. Blir det derfor meldt om behov for det til 113, kan brannmannskapet bli varsla med utrykning for å bistå til ambulansen kjem.
Anders har derfor så smått byrja med opplæring for å kunne delta på lik linje med dei andre 5 karane. I kveld var han på sin andre runde i brannstasjonen på Kvendset, med opplæring i førstehjelp og bruk av hjertestartar saman med utrykningsleiar Ivar Bolme. Det er mykje å setje seg inn i, men Ivar reknar med at han kjem fort inn i det. Allerede neste veke har vi vår første ordinære øvelse med slangar, pumper og test av øvrig utstyr ette vinteren. Seinare i vår skal vi alle saman gjennomføre PLIVO kurs. PLIVO står for pågåande livstruande vold, der vi får veiledning i kva vi kan bistå med i slike situasjonar der politiet er for langt unna ved spesielle behov, fortel Ivar. Dette er komme i etterkant av 22. juli og hendelsen i Lærdal for ei tid tilbake.
Opplæring av livreddande utstyr er ein viktig del av dagens brannkonstabeljobb.
Første opplæringskveld gjekk med på å setje seg inn i bruk av varslingssystem og dei ulike finessane med utrykningsbilen.
Varslinga til dei enkelte brannlaga går via Nødnett, og er no felles og landsdekkjade. Alle konstablane har ein slik varslar på seg eller har den i umiddelbar nærheit heile døgnet. Også dei no 6 i Surnadal Brannvesen avdeling Todalen.