Vi fann 83 artiklar i dette arkivet.
Bergstaden er kjent for gruver og minne etter fleire hundre års kopparutvinning. Bykjernen er godt teken vare på og veldig triveleg å vandre i. Omvisning til kjente landemerke. Vi startar frå kulturhuset på Skei mandag 23.9. kl. 0900 med retur tysdag 24.9.
Tur til Øversetra på Hamnes laurdag den 31. august, med oppmøte ved Jørristufjøset på Årnes kl 11. Parkering blir anvist, og ein kan samkjøre herifrå til startstedet på Hamnes. Turen blir arrangert i samarbeid med turstigruppa på Årnes.
Sanitetsforeninga inviterte til KløverRUSLEtur og lunsj i Sanitetshuset måndag 26. august. Det vart ein fin dag; sol frå skyfri himmel og vindstille – da er det riktig så fint å vera på Kvennsetørå!
I dag startar arbeidet med bygginga av Toåa Tursti, som er prosjektert frå Trøbakkan til Båthølen og vidare nedover til Halsabrua. Det er Per Gjeldnes Maskin som har prosjektet, og er altså i gang med å etablere transportveg frå Trøbakkan og ned til utløpet for Haukåa der det etter kvart skal bli uttak av masse frå Toåa.
Det ble gjort videoopptak frå gårdagens arrangement – Kårvatn Sky Run. No er filmen klar, og du kan sjå den her på Todalen.no. Du kan berre klikke på linken for Kårvatn Sky Run, så er du i gang! Haakon Lundkvist Photography har laga ein film frå dagen. Sjå, nyt og gled deg til neste år, […]
I Surnadal er det rundt 4500 røysteføre personar som kan gå til valurnene måndag 9. september. I Surnadal er også vallokalet ope søndag 8. september, der røysteføre frå heile kommunen kan røyste denne dagen. Elles er det mulig å førehandrøyste på kommunehuset fram til 6. september. Reglane for førehandsrøysting på kommunehuset og røysting i institusjonane kan du lese meir om her.
Hans Inge klette trekte det lengste strået under Kårvatn Sky Run 43 km laurdag. Han var i mål på suverent beste tid etter å ha vore i tet meir eller mindre heile løpet og kunne skrive tida 5.28,51 som rett og slett er imponerende.
Idrettslaget Søya feirar 100 år, og det er ein særdeles aktiv 100-åring! Dagens Søya-sup er nr 19 i rekka og med riktig stor deltaking. Om lag 500 fotballspelarar i alderen 6 til 12 år frå 78 lag møtest til dyst på Søyabanen. Visjonen for turneringa er: » Vi skal skape gode fotballminne».
3 timar, 33 minutter og 16 sekund bruka Jørgen Kvalsvik på 29-kilometeren i Kårvatn Sky Run. Han vart førstemann i mål på den kortaste etappen som går utover gammelseterdalen og til Kårvatn frå posten på Tovatna. På andreplass på den kortaste etappen kom Robert Sørlie på tida 3.39,16 som og er ei sterk tid.
De første løparane har passert Tovatna. Vi har imidlertid kommunikasjonsproblemer med stasjonen der, og har ikkje fått verken bilder eller mellomtider. – Men vi har fått info om at Robert Sørlie har passert – og er på veg utover Gammelseterdalen i retning Kårvatn og målgang der.
Så gikk startskotet for Kårvatn Sky Run – dermed er dei 41 løparane på veg frå Kårvatn og opp den bratte lia til Storfjellet. Deltakarane starta friskt ut for å posisjonere seg på den første biten av traseen går etter vegen.
Starten for Storfjellet opp gikk presis kl 9.00. Det var 7 deltakarar som stilte til start i trimklassen, og ikkje uventa var det Håvard Gjeldnes som vart førstemann på toppen av Storfjellet, og med eit tidsforbruk på 33 minutt har han sett seg i respekt på denne etappen.