Vi fann 69 artiklar i dette arkivet.
På Byggmakker Bytås var det stor festivitas i dag – det siste året har det vore unntakstilstand med sprengning og masseflytting, bygging av nytt lager og utviding av butikken. Omsetninga har bokstaveleg tala vokse ut av lokale og butikken på 400 m2 står i dag fra med nærare 1000 m2 grunnflate.
I dag kom det ein lastebil frå Mesta med rykande last, og mykje rart utstyr inn i bygda. Med skilting om «Asfaltarbeid» trudde vi kanskje at vi fikk ei positiv overrasking med ny asfalt på Bordholmvegen, men der tok vi grundig feil. Jonny Stakvik kom frå Mesta Frei, og han hadde andre planer.
I dag har Surnadal Sparebank arrangert den årlege samankomsten for årets russekull i Surnadal. På 9. året blir alle russ, raude som svarte invitert til pizza, info og omsorg i forbiindelse med den årlege russefeiringa som no står for døra.
Årets strandryddedag er laurdag 5. mai og er ein del av strandryddeveka frå 30. april til 6. mai. Derfor blir Kløverturen måndag 30. april tur med strandrydding, – vi skal altså ut å «plogge» – både trimme og plukke søppel!
I kveld åpna G10 Søya/Todalen sitt seriespel mot Rindal på Banksletta. Det vart ein målrik kamp, der rindalingane var hakket kvassare framom mål og dominerte størsteparten av kampen. Laget frå Søya/Todalen består av spelarer både frå Todalen, Kvanne og Stangvik i årsklassane 2008 og 2009. Dei skal i løpet av sesongen møte både Surnadal, Tingvoll, […]
Som ei midletidig løysing har det vore snakk om å tillate personbiltrafikk over Øyabru. Brua vart stengt for all biltrafikk i november 2017, og sia har det vore kun gang- og sykkeltrafikk som har vore tillatt over brua. Etter at det vart avklart at det skal prosjekterast og byggjast ny bru, har det vore vurdert om brua kan opnast for trafikk med personbilar. Så snart nye skilt er på plass blir brua opna for personbiltrafikk – det skjer tidlegast fredag, men mest truleg rett over helga.
I dag vart det gjort eit skikkeleg løft på Kvennset, da turbinene til Råssåfoss kraftverk vart løfta på plass igjen. Det er no 4 månader sia dei fekk feil på turbinen, og dermed driftsstans. Straks føre jul vart turbinen demontert og løfta ut, for å sendast til Tyskland på reparasjon.
IL Søya skal feire 100-årsjubileum til neste år. I den anledning etterlyser dei no gamle bilder frå smått og stort som er verd å ta med i ei jubileumsbok. Her nemner dei på si heimeside både klubbhusbyggjing, ulike arrangement, aktivitetar på Vang, husmortrim og anna som synleggjer breidda i det no snart 100 år gamle idrettslaget.
Førstkommande torsdag startar fotballsesongen opp att også for dei aller minste. Dermed er det berre å ta fram knottsko, leggskinn og godt humør og møte opp til klokka 18 fortel Bjørn Gunnar Ansens.
Etter ein lang og kald vinter er det fint å kunne rydde og rake vekk kvistar, lauv og gammel fynne. Det samles mykje rusk og rask i løpet av vinteren, og på kyrkjegardsdugnaden vart det atskillig mange trillebårlass rund på heile kyrkjegarden. – Vi var utruleg heldig som fikk så god hjelp til ryddedugnaden vår, sa soknerådsleiar Britt Mossing som kunne registrere eit førtitals deltakarar på kyrkjegardsdugnaden.
Torsdag 26. april kl 11.00 startar Stavganggruppa i Surnadal pensjonistlag årets første stavgangtur. Premieren er i år lagt til Stangvika og Brøskjehagan som vanleg.
No kjem den gamle jaktskytebanen i Dalavegen til heider og verdigheit igjen. Vi meiner banen der det i gamle dagar foregikk oppskyting til jakta, bortafor «Ytter brua» oppi Dalavegen. Det er den nystarta klubben Trollheimen Sportsskyttere som skal ha skytetrening der den 2. mai, fortel leiar i klubben Anders A. Karlsen til Todalen.no