Vi fann 65 artiklar i dette arkivet.
Det var ei flott og stemningsfull julegudsteneste i kyrkja i dag – med Kirsti Hjørnevik som liturg, Bernt Bøe som organist og musikalsk innspel frå Torgeir Leivdal på fiolin. Det var godt over hundre sambygdingar og tilreisande som deltok i årets julegudsteneste.
Trimgruppa i Todalen idrettslag mobiliserer til romjulsmarsj 3. juledag. Etter eit par rolege dagar med mykje god mat, så er det godt å kome ut og bruke kroppen litt – og så er det sosialt, da. På runden rundt bygda kjem du garantert til å treffe folk du ikkje har treft på lenge, seier trimsjef Jorunn Nordvik til Todalen.no
Øvingane til julerevyen går for fullt, og no er også salet av revybillettar forlengst starta på Matkroken Todalen. Vil du ha litt kortreist underhaldning i julehelga, så er det berre å stikke innom Matkroken og kjøpe billettar til julerevyen #ViÅ som går i Todalen ungdomshus 3. juledag – 1. forestilling kl 15 og hovudforestillinga kl 20.00. Løp og kjøp, seier revysjef Anders Gjeldnes, som held i trådane for årets julerevy.
Frode Alnæs (58) er en av Norges beste gitarister. Når han kommer til Surnadal 8. februar med sin nye gitarforestilling ønsker han å invitere en lokal gjestegitarist opp på scenen. Nå trenger han din hjelp til å finne den rette.
Talgøkonsernet er ikkje berre møblar, elementbygg og royalbehandla trelast. – Lokalt er det også 3 Byggmakker byggevarebutikkar og eit hagesenter. Det siste året har det vore investert store summar både i Surnadal, Sunndal og på Tingvoll. Vi må ruste opp butikkane og passe på at vi heile tida er konkurransedyktig, seier konsernsjef Terje Talgø som vidare fortel at det er i nedgangstider ein skal ruste seg på oppgangstider. – Han fortel vidare at nedgangen som har vore i oljebransjen nok har dempa byggebransjen litt, men satsinga på hagehus og elementbygg i Talgøs byggdivisjon har klart å holde farten oppe i konsernets byggvarebutikkar.
På føremiddagen i dag var det 2 svaner på visitt på Austigardshauå. Dei kosa seg i nokre sølepyttar som har danna seg i regnet og snøsmeltinga som har vore dei siste dagane. Vi kan vel driste oss til å tru at dette er songsvaner, sjølv om vi ikkje kunne høre ein einaste lyd. Men vi reknar med å bli motsagt dersom dette ikkje stemmer.
Det vart for tøft å få opna nyvegen forbi Kufalla til jul. Dei starta på denne veka med det som mål, men det er så store mengder med masse som må ut at nyvegen blir opna først på nyåret. No tek gjengen på vatn Maskinstasjon ein velfortent juleferie, startar på igjen så snart det blir nytt år.
Heilt sia Øyabrua vart midlertidig stengt den 13. november, har det store spørsmålet i Todalen vore – kva skjer vidare med brua? Det kom kanskje litt stoms på kommunen også at Øyabrua var i så dårleg forfatning at ho måtte stengjast for motorkøyretøy. Rett nok har akseltrykket for brua vore sett ned i fleire år, men no er det altså kun gåande og syklande som får trafikkere brua. Kommunen vil sørge for brøyting av brua og tilførselsveg til slik bruk.
I kveld inviterte elevar, tilsette og FAU ved Todalen Oppvekstsenter til den årlege juleavslutninga ved skulen. Med fullsett sal med familie og venner vart det ei triveleg førjulsstund i gymsalen. Alle skuleklassane hadde øvd inn kvar sine underhaldningsnummer og til slutt kom den vesle barnehagegruppa med sitt innøvde «På låven sitter nissen».
Dette blir friskt! – TrondheimSolistene har fått med seg ein jodlar frå Romsdalen og trekkspelets svar på Matti Nykänen til nyttårskonserten i Surnadal kulturhus 12. januar.
Halve salen er allereie selt (pr. 20.12), og vi har enno ikkje kome til dei aller siste hektiske dagane før jul der karar med vikande blikk leitar desperat etter julepresangar; og helst presangar som kanskje for ein gong skuld kan overraske mottakarane. Da kan billettar til denne godteposen av ein konsert vere eit alternativ; med Polkabjørn, Kleine Heine og virtuose musikarar frå TrondheimSolistene.
Søndag 14. januar inviterer Surnadal I.L. til langrenn ved Nordmarka Skisenter i Surnadal. Sonerennet startar kl 11.00 medan kretsrennet startar kl 12.00, og det skal utøvast fri teknikk, med 15 sekunders individuell start.
Det er nok mange som har lengta etter at sola skal snu, og at det begynner å gå mot lysere tider igjen. Det skjer torsdag 21. desember kl. 17.28 norsk tid (ETC ). Det går nok noen dager før vi merker at dagene blir lengre, men etter hvert vil dagens lengde øke med 6 minutter. Da tar det 10 dager å øke daglengden med 1 time – og da er det jammen snart vår igjen!