Arkiv for januar, 2015

Laurdag var det samling til familiedag med fokus på produksjon av starrabur og dinosaurkosedyr. Line Kvendset fortel at familiedagen er ei uformell gruppe som treffest ein gong for månaden, eller når det passar slik. – Sosialt og artig, og så finn vi på eit eller anna som vi kan gjera i lag og kanskje lære litt av kvarande. Denne dagen var det fuglekasser, eller starrabur, som stod på plana. Og litt symaskinbruk, med produksjon av dinosaurkosedyr.

Etter siste mildvêret vart det skart og hardt føre i den nye lysløypa på Tjønnmyran. Laurdag ettermiddag vart heile løypa fresa skikkeleg opp, og det var køyrt på nytt spor. Ypperleg forhold for den som vil ta seg ein ettermiddags- eller kveldstur i løypa, fortel Ståle Ansnes som var der med traktor og løypemaskina.

Søndag 25. januar kl 11.00 er det gudsteneste med sokneprest Bernt Venås i Todalen kyrkje, melder Todalen sokneråd. Takkoffer.   Alle er velkomne!

Ein skokk med rådyr – 5 i talet denne larurdagen – er på tur attende til skogen, etter den dagelege turen til flomålet ved Bordholmen. Da gjeld det å følge tidtabellen for flo og fjøre, slik at det blir litt mat å finne.

Søndag ettermiddag – nærare bestemt kl 14.00 – inviterer Todalen historielag til ettermiddagskaffe i Todalen ungdomshus. Det har etter kvart vorte tradisjon med eit slikt arrangement, som har stor oppslutning. Hovudtema på årets arrangement er gamle ord og uttrykk, og Gunnvald Bøe frå Bøfjord Historielag er leid inn som kåsør, og vi trur dette blir interessant for mange!

Siste natt har nok sett kulderekord for 2015 – mesta 10 kuldegrader som minimumstemperatur her, men sikkert kaldare enkelte plassar rund omkring i bygda. Utover dagen er det meldt mildare vêr, og til kvelden får vi nok raude tal med varmegrader dersom yr.no får rett.

Stabile vinterforhold gjer at sonerenna kan arrangerast på løpande band. Sist helg var det IL Søya som arrangerte, mens det førstkommande tirsdag er ØSIL som arrangerer. Her blir det fristilrenn i lysløypeanlegget i Holtamoan.

Tysdag kveld var det kombinert informasjonskveld og musikerdugnad i Surnadal kulturhus. Mimi Kleiberg i stiftelsen Organdonasjon heldt eit veldig interessant foredrag og klarte å avmystifisere alle spørsmål for den som har vore i tvil om kva dette er og kva det betyr. Eit større høgdepunkt var musikerdugnaden, der lokal aktørar entra scene og delte song- og musikkglede med oss rundt 200 som var tilhørarar i salen.

Det kalde været dei siste dagane har vært til stor hjelp både for produksjon av snø i Sæterlia og is på Bordholmen. Isen er klar til bruk, og Todalen Idrettslag har både køller, puck, mål – og noen få skøyter til utlån, melder Knut Bergli i T.I.L.

Laurdag 24. januar kl 12. Familiedagen som til vanleg er i Skulstuå, flyttar denne gongen til skulen det vi har fått lånt sløydsalen og heimkunnskapsrommet i 2. etg. Der blir det anledning til å lage seg ein fuglekasse eller prøve seg på litt tekstilarbeid. På heimkunnskapsrommet (kjøkkenet) blir det servert kaffe/saft og noko og bite […]

Ingvild Kårvatn og Fay Johansen var seinhaustes i Todalen og markerte den internasjonale donordagen. No har dei utvida aspektet litt, og inviterer til storstilt gratiskonsert for å opplyse om organdonasjon på Surnadal kulturhus, i morgon tirsdag. Mange i Surnadal ønsker å bidra, og i den anledning har blandt anna Torstein Snekvik, Svein Håvard Saksen, koret Vox, Inge Bævre, Toril Moe og Gøran Bolme sagt at JA, sjølvsagt blir vi med på dette!!

Då er tida kome for å stemma fram det beste bilete for 2014. No er det snart fem år siden vi starta med å stemma fram månadens bilete, og fem og eit halvt år siden vi byrja å leggja ut bilete vi får inn dagleg. Det betyr at vi no har eit arkiv på meir enn 2000 bilete.