Arkiv for januar, 2013

Arbeidet på lysløypa på Tjønnmyra er godt i gang, og prosjektet som er kostnadsrekna til nærare 900.000 skal være klart til bruk til neste skisesong, fortel ledar i anleggskomiteen Nils Ove Bruset. Laurdag var vi med anleggskomiteen på synfaring i anlegget, og det må kunne seiast at det såg imponerande ut. Det er entreprenørfirmaet Per E. Gjeldnes Maskin som har prosjektet, og det fine vintervêret har gjort at det har vore fine arbeidtilhøve så langt i vinter.

Tysdag kveld var jaktsimulatoren i «eldlinja» igjen i Ungdomshuset. Den var bruka i eit programinnslag på Hjortfesta, og medan den enno var i bygda vart det arrangert open kveld med jaktskyting for alle som hadde lyst. Simulatoren var basert på laserteknologi i kombinasjon med film, og fungerte egentleg som eit dataspel. Utstyret var lånt av Jeger og Fisk, og vart drifta av ei datamskin.

Då er tida kome for å stemma fram det beste biletet for 2012. No er det snart tre år siden vi starta med å stemma fram månadens bilete, og tre og eit halvt år siden vi byrja å leggja ut bilete vi får inn dagleg. Det betyr at vi no har eit arkiv på meir enn 1200 bilete.

I morgon tirsdag 22. januar inviterer Kvendset jaktlag til skyting med jaktsimulatoren som var benytta under hjortfesta i helga. Da blir det rå for revansje for dei som skaut laurdag, og fritt fram for alle andre som kunne tenkt seg å prøve. Ungdomshuset kl 18:00.

Som antyda i går, vart det mykje folk som tok turen ut på sjøisen i dag. På det aller meste var det rekna vel 80 stykker mellom 13 og 14 i dag. Her var folk i alle aldrar, med både spark, skøyter og nokon til fots. Både todalingar, surndalingar og kvennalendingar benytta anledninga til ein oppplevelse i dagens fine vinterver med sol og rundt -5 grader. Somme var også ute etter å få seg ein fisk eller to. Og stort sett alle som fiska rundt om såg ut til at dei fikk noko på kroken.

Hjortfesta i Todalen blir tradisjonelt arrangert i slutten av november, men av ymse årsaker vart Hjortfesta 2012 utsett til januar. Laurdag kveld var et 70-tals todalingar og andre gjestar samla til fest i Todalen ungdomshus. Denne gongen var turen komen for Kvennset jaktlag for å være vertskap, og dei kunne by på velsmakande viltgryte, simulatorjakt og kveldens høgdepunkt som var utdeling av heidersprisen «Den Gyldne Patron».

I dag har redaksjonen vore på utflukt, og kan stadfeste at forholda på sjøisen er topp! Det var ikkje så alt for stor trafikk etter forholda, men fleire dristar seg kanskje utpå i morgon, for det er absolutt å anbefale. Georg Mossing var også ute i dag for å gjere frå seg hola til å sette garn i. Og her snakkar vi storarbeid. Han hadde skore opp rundt 25 hol med motorsag som han skulle bruke til å føre garnet under. Slikt tek tid, men skal ein få ferskfisk til middags lyt ein berre rekne med det, humra Georg. Og om nokon vil vere med å sjå på når han skal dra inn garna i morgon, er han å finne innafor Holmen rundt 11 tida i morgon.

Vi minner om at det er gudsteneste i Todalen kyrkje søndag 20. januar.  Det er 3. søndag i openberringstida, og prekenteksta er henta frå Joh 1, 15-18. Det er sokneprest Bernt Venås som forrettar.

Neste laurdag, den 26. januar , står idrettens festkveld på programmet i Surnadal kulturhus. Det er Surnadal Idrettsråd som er arrangør, og dei reknar med fullt hus i Storstua denne kvelden. På idrettens festkveld skal det delast ut 3 prisar: årets prestasjon, «Årets ildsjel» og «Publikums ærespris». Når det gjeld «Publikums hederspris» kan du væra med og bestemme kven som er fortjent mottakar. Slik kan du røyste på din kandidat:

Like sikkert som det er møbelmesse i Köln i Tyskland kvart år, så er det Todalsabend – Todalskveld – der todalingar og todalsvener treffes. Det skjer på ein restaurant, både for å nyte god mat og drikke, og for ha det triveleg i lag. Det er Terje Nordvik som er intiativtakar til dette arrangementet, og i tillegg til andre todalingar så var det folk frå heile landet, samt frå Sverige, Danmark, Tyskland og kanskje fleire. Litt spesielt var det i år, for i år har dette arrangementet 20-årsjubileum, men Todalsabend er nok godt etablert som tradisjon.

Fredag kveld kjem TrondheimSolistene til kulturhuset for å halde konsert. Det er 10. gongen, og det er stort og ærefylt for oss å få besøk av dem, seier kulturhussjef karstein Telstad.  Det er kvalitet over det dei framfører, men samtidig har dei ein lett tone med mykje lun humor. Konserten startar kl 19.00, og billettar kan […]

Georg Mossing var i dag ein tur ute på sjøisen på isfiske. Han hogg seg gjennom isen utanfor Ansneset, og som ein kan sjå på biletet er isen 19 cm tjukk.
Som oftast er isen enda tjukkare innanfor Holmen så han meinte det skulle være greit å driste seg utpå ein tur eller to i helga.

Det er no kanskje rundt 6-7 år sidan sist Todalsfjorden hadde ein så fin og tjukk sjøis, om underteikna ikkje minnst heilt feil. Og då var det knappsett med folk på isen i helgene, både fiskarar, sparkarar og skøytarar. For å komma seg utpå kan det nok anbefalast å starte i båthavna, men unngå utløpet ved settefiskanlegget, der det er eit parti ope vatn.