Arkiv for august, 2011

Fisket etter laks og sjøaure går mot slutten. Måndag 15. august er siste dag, etter at fisketida vart endra på grunn av faren for overfiske. Den siste tida har vassføringa vore i minste laget, men etter meldingane ligg det an til en god del regn tysdag og onsdag denne veka. På ein liten runde rundt bygda var det fleire fiskarar på elvekanten enn det har vore på lenge.

Kvanne var kommunesenteret da Stangvik vart lagt ned som kommune og delt mellom Surnadal, Sunndal og Tingvoll på midten av 1960- talet. Torsdagskvelden 11.8. kl 1900 inviterer Stangvik Historielag til en tur «gatelangs» og attover i tid til kommunesenteret, handelsstaden, samferdselsknutepunket og til de aktiviter dette førte med seg. Møt opp på Joker-butikken kl 19.00. […]

Mange kommunale vegar ventar på kantslått. Dalavegen frå Bruset til Kårvatn er ein av vegane der olderkjerra tek til å vekse innpå vegen. Med den store turisttrafikken opp til Kårvatn, skapar det lett farlege situasjonar og er nok heller ikkje det finaste du kan vise fram til folk som ferdes langs vegane.

Pakkhuset Kro på Todalsøra minner om at det er open pub i kveld, og ønsker alle velkomne frå kl 21 og utover.

I skrivende stund har todalen.no opp i mot 20 bedrifter og 15 lag og organisasjonar som medlemmar. Det har den siste tida vore ei lita auke, noko vi er veldig fornøgd med. Men enno er det plass til fleire. Så om det er nokon som ikkje har fått forespørsel frå oss, er det berre å ta kontakt med redaksjonen så ordnar vi det. Som de ser av logoane på høgre side er det ikkje berre snakk om bedrifter frå Todalen, men også ein heil del frå Surnadal. Men er det nokon som kunne tenkt seg å bli medlem utafor Surnadal kommune er dei òg hjarteleg velkomne!

Då er det til for å kåre månadens bilete for juli. Juli har hatt nokre finvêrsdagar, men mange av motiva vi har fått inn er av regnbuar, som tydeleg viser at det har vore skiftande. Uansett er vi klare med kandidatane vi har plukka ut denne månaden.

Tor Kvande og Torbjørn Larsen var tysdag på tur til Snøfjellet og Skjerdigfjellet. Dei hadde med kamera, og frå Tor Kvande har vi fått e-post og fine bilder. Bilda er lagt ut i eit lite galleri nedarfor. Tor Kvande skriv i e-posten: «Tur opp via Tårnet til Snøfjellet og heimat langs ryggen på Skjerdingfjellet. Sender bilder frå ein fin tur gjennom tåkehatt og opp på fjell i hjertet av Norge.»

Etter tap i gårdagens kamper går begge laga ut av sluttspillet, skriver Knut Haugen på I.L. Søyas hjemmeside. «G16 tapte onsdag 1/64-finalen (A-sluttspill) mot Bjørndal IF på straffesparkkonkurranse, etter at det fortsatt stod 0-0 etter ekstraomganger. Og onsdag kveld møtte G14 bergenslaget Nordre Fjell 1/16-finale i B-sluttspillet. Kampen endte med tap 1-3, men våre gutter gjorde en kjempekamp med heroisk innsats mot eldre, fysisk sterke og store bergensere.»

Både G14 og G16 er no ferdige med sine innleiande kampar påN orway Cup. Dette har resultert i A-sluttspel for G16 og B-sluttspel for G14. G16 har vunne 2 og tapa 1, der dei viste bortimot årsbeste i siste kamp mot Hald/Skogsvåg/Telavåg med sigeren 3-0. G14 har tapa 2 og vunne 1, og berga dermed så vidt B-sluttspelet.

Tysdag kveld treffer vi kjentfolk i programmet «Sommeråpent» på NRK1. Da er nemleg Torstein Snekvik gjest i programmet, som er direktesendt frå Operataket i Oslo. Programmet startar kl 21.30 og som sagt på NRK1.

T.I.L. trimgruppa minner om sykkeltrimmen onsdag kveld. Oppmøte på Bordholmen og start mellom kl 18 og 20. Kiosksalg med kaffe, bakels og forfriskningar.

Måndag gikk turen frå Todalen med Aursjøvegen som reisemål, via Sunndalsøra og oppover Litjdalen. Etter å ha betalt 70 kr i bompengar i Litjdalen bar det oppover dalen til vi etter ei stund forsvann i skodda. Vi kom ut av skoddeheimen like nedafor Holbudammen, og derfrå var det sol og fint sommarvêr med 17-18 varmegrader. Ved Holbudammen var det vedlikehaldsarbeid i gang på damanlegget og derfrå og ned til kraftstasjonen på Sjølseng går vatnet i tunell.