Arkiv for mai, 2010

10.mai slås det et slag for fysisk aktivitet livet ut. Surnadal Velværesenter markerer Verdens aktivitetsdag med senior-pilates klokka 12.00, og tilbyr alle gjestene oppskåret frukt og nøtter, samt litt enkel informasjon for treningsøvelser for de eldre. Samtidig oppfordrer de alle spreke eldre til å ta med seg andre på trening!

Laurdag opnar Svinviks arboret porten for sesongen. Rhododendron har teke til å blomstra, men etter ein lang og kald vinter tek det enno litt tid før blomstringa er på topp. I år varer sesongen frå 8. mai og fram til 15. august, og opningtida i sesongen blir torsdag-søndag kl. 12-17.

Måndag kveld (kl 18) er det dugnad på Todalen kyrkjegard. Kyrkjeverga oppfordrar bygdafolket til å hjelpe til med å rette opp skeive gravstøtter og rydde opp etter ein lang og kald vinter. Dei oppfordrar karane til å ta med trillebår, spett og spade, medan kvinnfolka bør ta med rive.

Ålvundfjord grendalag arrangerte ”Farra Fjor’n” for første gong i fjor sommar. Dei samla da 110 personar med smått og stort, og dro til Stangvik på besøk. I år vil dei fortsatt halde seg innafor ”gamle Stangvik” og drar andre vegen til Todalen på besøk. Laurdag 12. juni er det klart for avgang i retning Todalen, der dei har aliert seg med bygdemobiliseringsprosjektet ”Godt mot, Todalen”.

Å halde seg orientert om kva som skjer i nærmiljøet er pensum i skulen i dag. Onsdag var derfor 5.-6. og 7. klasse ved Todalen skule på besøk til Talgø Møbelfabrikk på Kvennset, sammen med Solvor Røen som helt troppene samla. På Talgø fekk dei omvisning i produksjonen og på kontor av produksjonsleder John Moe.

Det er mesta dagligdags med meldinger om bjørnespor no for tida. Men i Todalen er det nok ei stund sia det har vore observert bjørnespor, men i onsdag kveld var det eit faktum. Det var Anita Brøske Nordvik som var i området på trimtur, som tilfeldig oppdaga ferske bjørnespor på vegen som går frå kufella og utover til TV-masta på Hjellnes.

Laurdag 8. mai kl 11 arrangerer det «nye» Surnadal skoglag den første skogdagen etter at skoglaga på «indre» vart slegne saman. På programmet står mellom anna framvisning av den nye skogbilvegen på 4,8 km og orientering av bygginga. Vidare vil fylkesskogmester Harald Nymoen orientere om tilskotsordningar frå stat og fylke til vegbygging.

Barne-tv serien «Fjellgarden i Trollheimen» har no starta visningane på kontinentet. Gudmund Kårvatn har allereie fått tilbakemeldingar frå salgsavdelinga for serien på på dette fengar. Det Koreanske tv selskapet EBS (Educational Broadcasting System) er no akkurat ferdig med å sende dei 12 episodane som vi og har sett. Serien hadde i gjennomsnitt 1 million sjåarar per visning. I følgje dei sjølv er dette eit meget tilfredsstillande resultat.

Måndag var det jubileum på Bjørli. Sigvart runda 90 år, og da var det sjølvsagt ståhei med blaukake og kaffe til vener som stakk innom. Og dei var det mange av, for det var samla både mykje blomster, konfekt og anna gåver da Todalen.no stakk innom for å gratulere jubilanten dagen derpå.

Det var nesten deprimerande å kikke ut i dag tidleg. Det var 3-4 cm nysnø, samtidig som vi skriv 4. mai og egentleg skulle ha meir vårlege omgivelsar. Men alt har sin overgang, og når sola kom opp vart det fart i tininga, og da har vi vel snart gjenoppretta tilværelsen.

Søstrene Magny Kjølstad og Ingrid Pedersen inviterer alle interesserte til Sanitetshuset onsdag kveld. Då vil dei markere «Den kjemikaliefrie dagen» med å demonstrere og selge produkt frå Norwex Norge sitt sortement. I anledning denne dagen er det fleire gode tilbud til sterkt redusert pris kan Ingrid fortelja. Produkta dei sel er mynta både på generellt reinhald, samt eit godt utvalg i personleg pleie attåt.

Vi fortsetter med å kåre månedens bilde, og her kan du se månendens vinner. Fra og med neste måned skal vi prøve å få lagd en avstemning, slik at alle kan være med å bestemme hvilket bilde de synes er det beste. Derfor kan du, hvis du ser noen av bildene som blir lagt ut som du liker godt, sende oss en melding og være med å nominere bilder som peker seg ut.